الشعر لو زعلوا علي الملاقيف
أهل العقول الفارغات الوجيعه
حطيت له (منيو) وسعر وتكاليف
وخالفت واقعهم وقررت ابيعه
يكفي سنين ٍ محتفظ به وانا ضعيف
كنت اعتبر بيعه جريمه شنيعه
واليوم لو تكثر علي السواليف
نويت اخالف سلمهم والطبيعه
وش فايدة جمعه وحفظه بالارشيف
ماهوب قرآن وحديث الشريعه
شعر ٍ جمعته بالشتاء وأنطر الصيف
ما بللت ريقي سحابة ربيعه
لابو (شعر) لاطوقتك المصاريف
مااسعفك في (تسديد وجبه سريعه)
راحت سنيني أتبع الوان هالطيف
لكن خساره مانفعني لميعه
من بعدها لو يزعلون الملاقيف
قررت احط شعري (بمنيو) وابيعه
(شاعر المشاعر)!!!!
علامات تعجب!!!!!
v]: hgH]udhx fdk fdu hgauv ,hgavhx ? hgauv