وحده بوحده صد عني وصديت=وانا ليا صديت معاد عوّدت
ماله سوا تسليمة ٍ كان مريت=عن كسرة الخاطر سلامين زوّدت
لاواقف ٍ ناشد انا ويش سويت=ولا ناطر ٍ معذار واقول هوّدت
تجول في صدري طواريق لامسيت=حس الهجوس اللي على القاف كوّدت
اقول ياقل التوافيق مليت=وجه البخت وشفيك فجأه تسوّدت
إليا طلبتك وقفتك رحت ماجيت=فوق ٍ على العميا بعرجا تزوّدت
وإصويحبي يفهم مداخيل ذا البيت=إن طول غيابه تراني تعوّدت
بعد ٍ من الذله كرامه يبالفيت=سلمت كاني في قراري تجوّدت