بسم الله الرحمن الرحيم
السلام عليكم ورحمة الله وبركاته
مصافحة خامسه و اتمنى ان تعذروني في الفترة السابقة
لعدم التفاعل معكم لظروف خارجه عن الإرادة
و للأمانه اني مشتاق للتواصل معكم
أقبلوها مني كما هي
يومٍ لحالي جالس ٍ مرّ طاريك
من وين مدري قلت : شاللي بلاني
و اسمي الرحمن و اسرح و الاقيك
قدام عيني و ارتعش من حناني
جيتك وأضمك ... و اختفى حلم غاليك
وأقول هذا الطيف ... و تقول : كاني
حسسسست الاماكن كلها لجل عينيك
وحتى الحواس اللي تسابق رهاني
سمعي و شوفي كلبوها تناديك
و تقول يا قلبي هذاني ... هذاني
وادوووورك من ربكتي حايس ٍفيك
من يوم جا طاريك ... كلي يعاني
أتعبتني .. قلت البلا قلب يغليك
ملكتك القلب و قفصك المحاني
أغليك انا اكثر من غلا امك وواليك
ياللي جنونك ساكن ٍ في كياني
افنى حياتي وسط حضنك واياديك
واحياك موتٍ والممات احتواني
مدامني وسطه تملكت اراضيك
ببارك لروحي بزين التهاني
حبك كبر مع نبضي الله يعافيك
يكبر مع النبضه و بين الثواني
حبك طفل يرسم غلاك بقوافيك
ويبعثر القاف ابتهال و اماني
والقاف يحلى لا تطوّق حواليك
ويلملمك شعر ويشيلك اغاني
و أوعى قبل ما كنت ساهي و ناسيك
فيني تناديني مبين المحاني
اتمنى ان ترتقي الى ذائقتكم
عماد السرحان