 الشمس
السلام عليكم ورحمة الله وبركاته اهدي هذه القصيده الى منتدى شموخ الشعر والوفاء والمحبة عسى ان تحوز على رضاكم وذوقكم الراقي العلم رده يابن الاجواد لاجـــاك=من مصدرٍٍٍٍٍِ رمز الحقــــــايق رصيده
علمن يعده رجل مثلك وشروال=شروى الرجال أهل الصفات الحميده
علماً مثل ماهو هنيا هنـــــــياك= معناه واحد والعــــــــــباره وحيده
علماً مثل دور الهبايب والافلاك=علماً متى ماقلت عـــــــــيده اعيده
مايجهله رجلاً معه عقل وادراك=ماتجهــــــــــله غير العقول البليده
علماً تعلابه وعلم يتـــــــــعلاك=بالقير واليمـــــــــنى تدور الحديده
ماهو سوالف عند ذولا وذولاك= اللي لهم وجــــــــهة نظر بالعقيده
اللي سوالفهم تشربك تـشرباك=ناس تنقصـــــــــــــبه وناس تزيده
العلم واضح والحقايق ماتخفاك=لكن ماني عارفـــــــــن ويش تريده
تعال فهمني عسى الروح تفداك=ان كان بالموضوع امــــورن جديده
اشرح لي الموضوع وعطني به ارياك=لين الهدف بالرمي نقدرنصيده
ومهما علي اخطيت مسموح باخطاك=خطاك يعطيني دروسن مفيده
وكان الخطاء مني فانا ادور ارضاك=سيد ولاينظر لغلــــــــطات سيده
وكان العذول بهرحته غير ارياك= راجع جميع اللي مضى واستعيده
وكثر الكلام وماحوى يربك ارباك=لكن نظرات النــــــــــداوي بعيده
واللي جرح خاطرك مادور ادواك=مهما نظرت دواك في كف ييده
دار الخفوق اللي من الظيم يدراك=واصدق معه مدام ممشاه سيده
ودور عظيم الشأن ومدله يمناك=اللي دروب المعرفه ماتكــــــــيده
وخلك على هقوة رفيقك لياجاك=ابذل له المجهود وخلك عضيده
وخلك وسيع ابطان بادناك وقصاك=وخلك زبون للضوف الشديده
والضيف سره في ابتسامة محياك=بسمه وترحيب وحفاوه فريده
وأبصم على صفحات الامجاد ذكراك=وخللك بالتاريخ ذكرى مجيده
الشاعر/ عواض معوض
hgals جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
alshmo5 - القسم :
مجلة الشموخ الثقافية
- رابط الموضوع الأصلي : الشمس |