مرّ قلبي .. ربيع ٍ زي مرّ الهبوب
حط ّّ فيني رحاله من خضَار ْو زهر
بس منّي يقرّب خطوتين؟ وأذوووب
ولا نظرته بعيني..شبّ لي وانصَهر
المزايا فْغيره ... في عيوني عيوب
أعرف ان المزايا به تشد الظهر
كان يحسب غيابي عن عيونه هروب!!
يوووه ما يدري اني مولَعة بالسّهر
ما{خسى} غير بدر ٍ حاول انه ينوب
عن حبيبي ليالي بإسم نصف الشهر!
ياحبيبي حبيبي .. واعتراه الشحوب
كل نجم ٍ تشبَّه فيك ميِّت قهر
ياحبيبي حبيبي .. والكواكب قلوب
كانت اصلاً بصدري تنبضك للدهر
ياحبيبي حبيبي .. والمشاعر .. ذنوب
بس مادامك انت الحب ؟.. ذنبي طَهر
كيف ذنب المحبة بس يقدر يتوب
وكل ما تاب قلبي عنك .. فيك انبَهر؟
لكن الظاهر انه صار مثلك كذوب
غرني بالربيع.... ولا عطاني مهر
’،
عبير بنت أحمد
`kf hglpfi >>>!!! `kf hglpfi >>>!!!