يا شرفة الغيّاب : معزوفة الناي
............ تشبه لصمت الذكريات الحزينه
ياشرفة الغيّاب : والصبح نسّاي
............ ينسى على صدر المسا غيمتينه
خلي شوي الخوف .. واستمعي بكاي
............. بكاي .. يبعث فـ النفوس السكينه
قولي لغيابك : علي صفحة الماي
.............اكتب اساميهم و تمحي يدينه
وقوليلهم : ماغير أبذر حناياي
.......... حزن وأقطف من حناياي ( تينه)
وآخذني وارحل لآآخر الصمت وياي
...........كل مـ ذْبَلت في فمي انشودتينه
وارتب انفاسي على (كوب للشاي)
............كل ما يبعثرها براد المدينه
ياشرفة الغياب ... كم غايب جاي ؟
............وكم غايبٍ بيظلّ (ذكرى حزينه) ؟
وكم من صباح يمرّني يطفي اشياي ؟
...........وكم شيّ مرّ الصبح واطفى حنينه ..؟
