يا شوق أنا مشتاق لك حيل يا شوق= يا بلسم جروحي ويا كل شوقي
عالي مكانك مثل ذاك القمر فوق=مهما وصفتك فوق وصفي تفوقي
في وصفك النادر تميّزت بالذوق=يا مالك ٍ فكري وقلبي وذوقي
شوقي شعل قلبي وما زال محروق=متى تجيني يا مداوي خفوقي
حبّك تملّكني وساق الهوى سوق=حبّك سكن يا زين داخل عروقي
فكري معك يا مشغل البال مسروق=وقلبي معك يا زين دايم شفوقي
أجمل معاني عشق فاحساس معشوق=وآصبحت من بين الرجال مْعَشوقي
يا شوق قلبي في هواك انت مطفوق=إشتقت لك يا بعْد عمري وشوقي
’،
ريمة الشرقية
~~~~~~~~~~~~~~
لله درك
ريمة الشرقية
قصيدة في منتهى الروعة والجمال
صح لسانك وسلم بنانك
كل الود والورد لك