يالعبد منت بشي من غير الأخلاق= في ناظري يالعبد بتصير شيفه
خلك رفيع الذوق عن كل الأذواق= وخلك نزيه وخل روحك نظيفه
وخلك وفي مخلص ولاتصير بواق= وخلك كريم وخلك نفسك عفيفه
بعض البشر يضحك معك بس لاضاق= شفت الضعافه فالنفوس الضعيفه
واللي سواته ياعرب ب1000 طقاق= ماهو منيف امن الجبال المنيفه
هذا ومن مثله فلاهوب ينطاق= ومن هرجته بالغصب لازم تعيفه
سلم على اللي عنٌك لاغاب تشتاق= تشتاق له وتقول مالك خليفه
اللي ليا جيته ترى خاطرك راق= ضحك وسوالف والنوايا شريفه
وختامها ماينفعك غير الأخلاق= رجلً بليا اخلاق نفسه ضعيفه