بعض القوافي يجي فيها كلام ما يجـي مستسـاغ=لكن على قـد مقـدر أنظـم الأبيـات وأسيغهـا
يا من غيابه يسوي داخلي أكبـر مساحـة فـراغ=وعبر الرسايل يعيد التعبية مـن عقـب تفريغهـا
صوغتك وصلت وفيها مسهلا وفيك ياا ثمن مصاغ=أبا أشكرك لكن الكلمات مـا تطاوعنـي أصيغهـا
من فرحتي بالهدية في مكاني شلت عنها الصمـاغ=من شفتهـا قالـت النسمـات أرسلنـي لتبليغهـا
قلي وش اللي تبي ترسل معي وأنا علـى البـلاغ=وأنا انشغلـت بمشاهدهـا وملمسهـا وتصبيغهـا
من عقب ما انهلت الدمعات وأسعفني جناح الشماغ=أرسلت مع هبة النسمة هديـة عشـت تصويغهـا
مصيوغة من فؤادي طالعة وقـع عليهـا الدمـاغ=أحبـك ..آحبـك ..أحبـك محبـة الله لا يزيغهـا
يحميك ربي من اللي يخلطون السم لجلـه يسـاغ=ناس عسى سمها يرجع عليهـا فـي مساويغهـا
راع الحسد أسودٍ قلبه سوات غرابٍ يقـول غـاغ=جعل البلا ياكـل ألسـن الغربـان مـن لغاليغهـا
املوثيـن ولا ينفـع بهـم لـو نقعـوا بالدبـاغ=ناس مرضها مشـى بالـدم ومـروي نغانيغهـا
يا رب تحفظ قلوب المسلمين عن الحسد والمـزاغ=ونفس تبا الشر للمسلـم تدمرهـا هـي وزيغهـا