عبدالعزيز الفدغوش
سلام تسليمة ٍ ترضي رموز الرجال = وتزعل دعي الوفا والمشتبه والبخيل
يا سيّد الملعبة من شرق ناض الخيال = ووعود مسعود ما بيّن وراها حصيل
جوهر الراوي
سلام يسحب سلام والخير فيه اكتمال = واللي يعز الخوي يكفيه رد الجميل
يا شاعر اشعر بنا بآحساس فايق جمال = وانثر دررك التي تبهر وعندي دليل
محمد العمري
ارحب تراحيب همال على الرجم سال=يا من يدافع عن المبدا بسيف صقيل
الحال يا صاحبي مسموم والوضع مال=والوعد ذاك اضمحل وصار حاله هزيل
عبدالعزيز الفدغوش
تم الشهر وأنتهى مضمون قول المثال =لو كان موضوعنا ما أوفاه طرق ٍ قليل
لكن في مارس القادم نعيد السؤال =عن زمرة ٍ ما تصافي للعرب مستحيل