جميل جدا وضوح الفيلم والصـوره=حيث ان رمز الغلا بانـت تقاريـره
بان الجفا والخطأ والزيف بشعـوره=و كان عزف المشاعر جاد تصويره
يعزف لحون التلون مـا أخـذٍ دوره=وأبدع بفن التصنـع فـي مشاويـره
يتبع نفوسٍ على التلبيـس مفطـوره=لين اتقن الدور واصبح من مشاهيـره
حقق مزيد التميز واصبح اسطـوره=ما كن ربـي خلـق حليـاه بالديـره
كل الجوارح غدت بامضاه ممهـوره=حتى اعتلى عرش قلبٍ رافضٍ غيره
كنت احسبه بالهوى نبراس دستـوره=ومن الولع ما شقاني غيـر تعبيـره
اثـره ممثـل بجـد ومتـقـنٍ دوره=واشعل فؤادي بسحـرٍ بـان تأثيـره
رسمت له لوحـةٍ بالوجـد مشهـوره=ومطرزة بالوفـا والحـب والغيـره
حبٍ سما بالتفانـي واعتلـى سـوره=ومن الغوى بالمعالي صـادحٍ طيـره
في دوحةٍ بالغـلا والحـب معمـوره=يوم ان روض الهوى تطرخ نواويره
نقطف ورود الجوى والشوق وزه=ورهولا احدٍ بلغ بالغـلا ميـزان تقديـره
حتى عكس ما(تبيه) النفس بسبـوره=وانزاح عني ضباب الوجد والحيـره
رغم التكتم بدأ ب(الحـب )مستـوره=و (لاني)مرتب (هدف)لو بان تفسيره
عندي تساوي غياب العذب وحضوره=مادام مبـدأ الوفـا ماهـو بتفكيـره