تركتني وأقفيت لاحي لاميت =والموت ياقربه يالغالي ليه
سافرت ما وادعتني يوم مديت =مدري جفا والا تغلاء عليه
وأنا فرحت بجيتك يوم لي جيت =وكنت أسعد انسانه ب هاك المسيه
واليوم من سافرت عني وقفيت =ماعشت من بعدك حياة ٍ هنيه
كرهت حتى طلعتي خارج البيت =وكرهت حتى رفقتي والسميه
حتى عن الكشتات للبر صديت =وصديت عن فرحات عيد الضحيه
لك من دلال كل ماأصبحت وأمسيت= أصدق وفاء لو زرت حوض المنيه
الشاعرة / دلال نبات سالم زيدان الشراري / السعودية - القريات