اقتباس:
المشاركة الأصلية كتبت بواسطة فتاة الرمال
كذا نقضي العمر اغراب
وكل واحد وله ديرة
كذا نبقا بلا احباب
نبدّل قلبنا بغيره
كذا ونموت
بليا صوت
ولانشكي وجع وغياب
نقول لروحنا خيره
ياقلبي فضها سيرة
الله .. الله
ياااأحلااام...!!
مازلتي كما انتي كتلة من المشاعر الصادقة في حروف..!
ولازلت أنا ..أنا...!
أطلب حق..الاقامة ..وحق اللجوء... الى وطن حرفك ياأحلام..!!
لروحك عبير الدنيا كلها
فتاة الرمال |
تعالي واسكني عيوني
انا عشت العمر وحدي
يعدي احيان
وكثير احيان
مايعدي
ابي احيا ومعي احباب
ابي اهلي
شبعت غياب
ابي اتطمن وارتاح
اخاف من العمر لو راح
اخاف اللي انا اهواهم
يجيهم يوم ينسوني
انا مثلك .. غريبة روح
ادور موطن لقلبي
شبعت احلام .. شبعت جروح
وعثرات اسكنت دربي
واقول تهون ياربي
مصير الحظ يتغير
والقاهم ويلقوني
تعالي وانثري همك على همي
نخبي الجرح وآضمك
واطبطب عالوجع وأرقيكِ وآسمـّي
تعالي ياخوية الحرف
نتقاسم حمل الايام
يمكن يوم عين القلب
ينساها السهر وتنام
ويعدّي فرحها صدفة
مع الاحلام
يمكن لو نكون اثنين
احزان العمر ترحل
يخلّوكِ ... ويخلّوني
تعالي واسكني عيوني