يااحلام نامي وش بقا بتالي الليل ...... غير الوجع مع ذكريات اللي راحوا
عينك تهـلّ الدمع بالحيـل بالحيـل ...... وعيون غيرك بالمنام استراحوا !!
--------
يااحلام نامي يمكن .. الله يجيبه ...... في حلم ليلك بين رمشك والاهداب
وشهي سواة اللي مفارق حبيبه ....... ماغير يحيا الحلم لو كان كذاب !!
-----------
تعدّت ساعـة حـْضورك ثوانيهـا
....................... وتراخت عن حساب الوقت بفراقك
يعيث العقرب الـ ساكن محانيهـا
........................ بعرق الصبر في صدري ويشتاقك
-------
لو قال صبّح اقول الصبح بعيونك ..... انت الصباح وعيونك بهجته والضي
صبحي كئيب وممل بحيل من دونك ........ مرّ بصباحي عشان يزيد نور شوي
------
غمضي عيونك مابقا حيّ سهران
...................... حتى المتيم نام لملم ... جراحه
نامي طويل الليل والقلب تعبان
....................... الله جعل بالنوم للناس .. راحه
-----
غمضي عيونك مابقا للسهر حيل
....................... يمكن يمروا بين غفوه .. وسهوة
معهم قبس من نور يضوون هالليل
........................ معهم سهرنا هيل .. والحلم قهوة
------
نامي ترا كثر السهر مايفيدك
....................... لوتسهرين سنين وش عاد نافع
ماهو بيدّ الحلم وإلا ... بإيدك
......................... منهو بكيفه راح ... ماعاد راجع
احلام