 شفت الضما
اخواني رواد هذا الصرح
السلام عليكم
احبتي تغبت لظروف ما وعدنا لكم بهذا النص المتواضع
عدنا لكم ايها الافياء فلن ولن انسى وقفات ابو سعد معي
استاذي الرائع عبدالعزيز الفدغوش ورجال هذا الصرح جميعا شفت الضما وش لون سوى بالاشجار=حبك مثيل الماء وروحي شجرها
شفت العمى اللي يفقد الشخص الابصار=انت لعيوني النور وايضا بصرها
شفت الغبار لاثار في وقت الاعصار =حبك سكن روحي بعد واعتصرها
شفت الثرى وش لون لا كف الامطار=انا مثيل الارض وانته مطرها
شفته جمال الفل وانواع الازهار=انته لقلبي وردته مع زهرها
شفت السما وشلون في ضوالاقمار =انا السماء وانت النجوم وقمرها
شفت البشر وش لون تفرح بالاخبار =انت مثيل العلم وانته خبرها
شفت الدموع اللي على خدي انهار=انت المحيط وبحر عيني ونهرها
شفت الدروب اللي طويله بالاسفار=متى على الله ننتهي من سفرها
العبد مايعلم خفيات الاقدار =روحي لقت في خط دربك قدرها
صبرت لجلك واحمل كل لخطار =عينك هلاكي وسم روحي وخطرها
وختامها صلوا على سيد الابرار =اعداد من شاف النجوم و ذكرها
احوكم احمد الكثيري
atj hgqlh جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
alshmo5 - القسم :
مجلة الشموخ الثقافية
- رابط الموضوع الأصلي : شفت الضما |