شروق الشوق ؟

شروق الشوق ؟

الشـوق زاد و خـــــابر الشــوق لا زاد
قلبي لو إني مــــا أجي لك يجـي لك

المعطيــات جـــــداد و أبياتــي جداد
و عـن أكثـرك بالقــلب يكفـي قليـلك

دامي معـك و الشـــوق صـادر و وراد
ما تنكسـر لو بيـــد الـوقت حيــــلك

وش فيــك متـضايق و أنا قلبـي بـلاد
ما شالتك هــالأرض .. قلبـي يشيـلك

ياللـي غـلاك بداخــلي مـالـه أبعــاد
تبطـي و لا أحدن مـن خفوقـي يزيلك

لـك مـع شـروق الـود كل يـوم ميلاد
لـو ذقـت توتــك لامـني سـلسبيـلك

ماحلى الصدف لا جات من غير ميعاد
اللـــه وكيـــلك ثــمٍّ اللـــه وكيـــلك

تقلـب تـقاسيـم الحــزن كلــه أعيــاد
لا الصبح صبــحٍ لك .. و لا الليل ليلك

و أنـا مـع الهجــران الأثنيـن أضــداد
مـا هـو خليــلك بـس أنـا لـك خليلك

قريـت بعيــونك تـواعيــد و عنــــاد
كنهـا تقـول إن غبـت يـا ويـل ويــلك

لـك اشتياقـــي كـل مـالــه و يــزداد
لا تحـرم عيونـــي عيونـــك .. دخيلك

سألـت نفسـي عنـك و الشــوق وقــاد
إليـا نسيتــك ويـن ألاقـــي بديــــلك

---

av,r hga,r ?

جميع الحقوق محفوظة وحتى لاتتعرض للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية - الكاتب : alshmo5 - القسم : مجلة الشموخ الثقافية
- رابط الموضوع الأصلي : شروق الشوق ؟