مجاراة جميلة بتويتر بيني وبين الشاعر الرائع عبدالله العساف.. اتمنا ان تنال رضاكم
ونقلتها هنا للحفظ والذكرى
قلت انا…
@Ahlaami
نموت بصمت مافي حد يبكينا
………………………………… ولا عابر يمر فينا يدق الباب
ياعمر الـ راح من قبضة ايادينا
……………………………… كذا نرحل وحيدين وبلا اصحاب
@alasaaf2
رسوم أثارهم داخل مآقينا ؟
…………………………… على رغم الدموع اتراود الاهداب
لقينا في شواطيهم منافينا ؟
…………………………… نروح وكل بحر لأبوابهم ينساب
@Ahlaami
يادنيا ليه للفرقا … ..تركتينا
…………………………… خذيتيهم ولا همك وجع وعتاب
كبير الجرح يادنيا .. تشوفينا
……………………………… لنا موطن ولكن عدّنا اغراب
@alasaaf2
سؤالك كم بكت منه اشافينا ؟
………………………… اذا مرت على بال الحكي الانياب
خطاويهم جفت سكة خطاوينا ؟
…………………………. وعلى جال السكك مامرو الغياب
@Ahlaami
سكك ثكلى بلا وجهة تودينـا
…………………………. وشوارع خانت الخطوة بلا اسباب
مسافات البعد مبطي العبت فينا
…………………………… الين القلب من حزنه عليهم ذاب
@alasaaf2
وظلينا هنا ..للاهنا فينا ؟
……………………………… مداراتٍ تدور ولهفةٍ ترتاب
نسا النسيان مامر ابأراضينا ؟
…………………………… وبقا ثغر الحنين لبعدهم يغتاب
@Ahlaami
هنا وهناك .. وش تنفع امانينا
………………………….. وهذا العمر كم ضيّع لنا احباب
نعيش بصمت لو هالصمت يشقينا
…………………………… متى عابر حلم يفتح لنا الابواب
@alasaaf2
شموع احلامنا اتذوب وليالينا
............................ تصافح طيبنا بنكرانها الماهاب
وينطر غيمة الاحلام وادينا
………………… ..ويسيل البعد ..بعد ويزهر الاسهاب
وسلامتكم