لاتسلني ليه عيني لاحضر طاريك تمطر
…………………………… الحزن ضيفي وانا تدري بعيوني حاتمية

تنحر الفرح وتعزْمك كل ماعالبال تخطر
…………………… ارتكي فيها وتقهوا من سيول الهاشمية

********

عزاه لعيون الـ عشَقْ .. بالليل سهرانه
…………………………………… محدن سأل عن حزنهـا واللي نثر ماهـا
.
هم اتركـوها للسهر والبنـت عشقـانـة
…………………………….…… والحين قالوا :" للخلا هالبنت وش جاها"
******

كلٍّ يغني علـى لـيلاه … ياليلـى
……………………………… ويجر من مهجته صوت الوجع وينوح
.
واللي مفارق وطن ماظنتي يسلى
……………………………… لاصار في غربته ضايع ومابه روح

*****

لاتطري الحب .. وانت لعهدنا خاين
………………………………… خله لأهله .. وهم ادرى به وابخص

الغدر ماله عذر واضح لنا وباين
……………………………… ماعاد نبكي على من عهدنا ارخص

*****

لو كلّ طعنـة بالظهر منها تطيـح !!
………………………………………… ماكنت عشت اللي انكتب لك من عمر

تدري طعونك لو يجي الوقت الصحيح
………………………………………… أكبر مُحفّز لجل تـقـوا .. وتستمر

******


ياساقي الورد غابت غيمتك مبطي
………………………………… والورد عمره قصير ويذبل بسرعه
.
ماعاد هو همنا منهو بنا المخطي
……………………………….. بكرة نحل الخلاف ان كان لك رجعه

****

غربة خذتنا بدون دفتر عناوين
…………………………….… تاهت خطانا بين زحمة اوادم
وحلم الرجوع الـ مات من دون تأبين
………………………………..ماكان له احباب ناخذ عزاهم

*******

النوم للي خالي البال مرتاح
……………………………… ماذاق حزن وغدر او بات ضايق

ما همته دنياه والحظ ماطاح
……………………………… يحضن لحافه ماشقا بالخلايق

*****
سبحان منهو قسَمْ رزقه واعطانا
…………………………… من غير حولٍ ولا قوة كثير الخير

منهو خلقنا … أبد حاشاه ينسانا
…………………………ادعيه دايم عسا يرزقك رزق االطير

******
خايف بعد طول البطا لو لمحتك
…………..…………… انسا وجود الناس واركض واضمك

واقول اسف لو بصدري جرحتك
.............................. هاذي ضلوعٍ ناحلة … لا تهمك


*****
وش عذرهم داموا على الارض واحياء
……………………………… .. ليه احرمونا وصلهم واتعبونا
حنا فقدنا ناس واوطان واشياء
………..……………………… ياليت مرة نلقا ناس افقدونا

******


أشرق بالدمع واعجز اناديهم
…………………………………….. ابيهم يوقفوا لحظة اودعهم
وامد خطاي ملهوفة واباريهم
……………………………………..خذوني ماتصل لحدود مسمعهم
وذاك القلب المعلق باياديهم
....................................... يبوس ايديهم يحاول يرجعهم

******
واللي رفع بالكون سبع على سبع
………………………………… مااخون عهدن لك قطعته ولو خنت

ولو شال قلبك نصف طيبي او الربع
………………………………… ماكنت يوم بعين قلبي .. كذا هنت

*******
دخيل الله تخفف طعنك بصدري
……………………………………… ..نزف اخر عرق فيني وصلت الموت
.
تعبت اداوي جروح القلب وادري
……………………………… .… اذا تشافت يظل غدرك بها منحوت
.