اذا صامل على الفرقا …. خذ شعوري عشان انساك
وخذ عيني اخاف ان رحت ... تستاحش وتتمناك
****
وبـ لحالك
تلملم باقي آمالك .. ترتبها برفوف الأمس
وتطفي الشمس بشمالك
تبي تغفا…ونومك ماتهيالك
وبـ لحالك… تموت بصمت
وترثي حروف أشعارك
ولاعابر حلم زارك
وتذبل بك الحواس الخمس
وتمد ايديك .. لـ ضلوعك … وتغتالك
******
مادامك تعرف الغيرة… وبك احساس
علامك تترك الـ حبك
يدور من يعوض عنك .. بين الناس!!!
ترا القلوب لا اشتاقت … تستاحش
من الليل…. ومن الوسواس
******
ودنيا تدور
وانا قلبي قلب عصفور
صغير الحجم .. لكنه كبير شعور
ابد مايحتمل صدمة .. ومجرد كلمة او ضمة
تعيث بعشقه المستور
تقيـّد له جناحينه… بأماني بور
*****
عساه .. يفارقك غالي … وتحس شلون
وجع من فارقه غالي … بلا سبّة !!
تحس بقيمة احبابك . ... ولو يخطون
يعلمك السهر الفراق ياصعبه
على ابواب الصبر … توقف سنة مغبون
وتدري قلوب احبابك ماهي لعبة
*****
صباح الخير … وردّت لي المراية بحزن "صباح النور"
وعيني قالت لعيني .. وحشتينا
ضحك وجه المرايا … وجاوب البلور
افا يااحلام … نحاكي بعض … جنّينا
****
ومرونا بدون احساس .. جرحونا وتعدونا
وحنا الناس… الـ ياما بكيناهم ... اذاغابوا
والـ ياما عذرناهم لو اخطو ولو صابوا
خسارة كيف مرونا …… ولا قالو الف لاباس
****
انت نايم ..ياعسا نوم العوافي..
ياسعد منهو بحلمك يوم عدّا
فدوتن لك.. كل من بالليل غافي وكل ساهر
ينظم الشعر ويعدّه
في غيابك.. حرمت ضمة لحافي
لجل ماازاحم طيوفك ع المخدة
****
وغني لي ... هدوء الليل يزعحني
احس الذكريات تصير اوادم ….تعبث بليلي
واحس الدمع يحرجني واكفكفه بمناديلي
غني لي … وعلى جرة مواويلك
احس الليل .. يدّ تطبطب على صدري وتدعي لي
****
تعبت انطر ... ورا شباك ذكرانا
ابيك تمر وترمي لي… صباح الخير كالعادة
يردّ القلب… قرب لي.. بقولك سر
صباحي انت مشتاقة ... كثر هالدنيا وزيادة
*****
هات يدك .. دفي احساسي بدفاها
من زمان احلم بلمسة… من يدينك ياحلااااااااها
****
هات صوتك تدري بصمتك اضيع
وقول أسمي .. لجل يسري في عروقي
الف معنى للربيع
******
واسمع يدّ تدق الباب
واقول الله يسعدهم ... لفوا احباب
اقوم افتحلهم بابي واحضنهم
والا مـ افتحه ... كنّي مخاصمهم
واسابق خطوتي والقا ..الهوا حرك غصن طايح ودق الباب
احلام