كلمتك كالسيف تعكس للبشر نوع احترامك
ارتقي بالقول .. تفلح ماعلى الجاهل ملاما

مسلميـن اخلاقهم تظهـر اذا ردّوا كـلامك
لو يخاطبهم سفيهآ … مروا وقالوا سلامـا

*****

حسافة مابقا صاحب يايمة من بعد عينك
يجي ويمسح دمع عيني وبأحضانه يدفيني
.
كثير الناس من حولي ولكن ياالغلا وينك
عليم الله لو مليون غيرك… مايكفيني

*****

ليت الدروب اللي خذتهم قريبة
واسج رجلي كل ما اشتقت لقياك

ياعونة الله من يفارق حبيبه
وشلون يقوا نار شوقه وذكراك

****
ماسمعتك عيدها الفين مرة
وكل مرة مااسمعك واقول عيد
.
قول احبك قولها يكفيك شره
حب غيري من قريب ومن بعيد

***
يصير اهواك ماأسأل وش التالي !!
وهل عشقك مباح ومايجيب ذنوب
.
واظل اسأل واجاوب حالي لحالي
ولو به ذنب ماظني انا بااااتوب

****
تمر ببال احلامي .. و تحيـّرني
وامثل مع وجودك لعبة التطنيش
.
تعبت بحيل من ذكراك .. حررني
ابي أنساك و أنساني عشان نعيش

****

حب الوطن ماهو مجرد مظاهر
رقص وقصايد بالشوارع وتفحيط
.
الحب روح وصدق واحساس،طاهر
ينبع كذا من قلب من دون تخطيط

******
تكسر بيوت الشعر … كلـّن يهلل
كلـّن يقول الله ، هالروح صحـّت

ان غردت الفين "جاهل" يطبـّل
وشلون لو احيان غلطت وكحـّت

****
كثر ما منكسر فيني حلم واحباب
كثر ما قلت من قلبي مسامحهم
.
انا خاطر من الـ بكرة ابد ماطاب
يجون احباب مثل اول واصافحهم

*****

ان كان همك ياهوا البال مشقيك
عادي ياغالي لو تجيبه لصدري
.
فدوة لهمـّك صدر منهو يحاتيك
بدري عليك الهـّم ياشوق بدري

*****

لاتقول رايح صاروا الناس بالليل
ماتدري ان الليل "ستر العشاشيق"
.
لاتخاف حكي الناس والقال والقيل
محدن يشوفك وانت بين المعاليق

احلام