الصديق العطــوف اللي ملكنـي دلالـه


في غلاته تفـــوق عن جميع الغوالنـــي





اعطـه اخر علومـــي وسأله كيف حالـه


وكتـم الســـر لايدريبــه انسان ثانــي





قله البعـد حــده والزمـن ماصفالـــه


واخبره عن وصولي وشهو اللي حداني





كان خلـي مع دنيـــاه سالي ودالــــه


اشهد اني عقب فرقاه همي دهانــي





قله انـه بوســط القلب باقــي لحالـــه


ماتغيـر غلاتـــه لو يطــول الزمانــي





ودي انـــك عن الهجران تكفى تسألـه


مرلي مدتاً والعلــم ماعــاد جانــــي





كان من ينقل النمــات عني حكالـــه


والله انـــه ببهتـان الظليمـه رمانـي





ثم قله وش اللي من طرفنـا جرالـــه


وسألـه وين ذاك الـــود وين الحنانـي





ان تنكر عن المظمـون واخفـى مقالــه


اعلــم انه تندم واختبط فالبيانــــي





وان تفاعـل وقـدم حجتــه واعتزالـــه


يعتبـر عشرتـه هانت وقلبـه نسانـي





ادري ان الجفـاء ماكان يطـري ببالـــه


فيـه ناسـاً لهـم فالصـد دوراً وشانــي





غيرو غاليــاً كان الوفــاء رأس مالـــه


وختلف عن مسيره صاحبي في ثواني