سكر ابواب الحنين وطفي الذكرى ونام
……………………………………… مابقا للشعر حيل يضمك ويسهر معك
مانفع معك البكا وشلون ينفعك الكلام
……………………………….. وفر احساس القصايد ما بهم من يسمعك
*****
لاتسأل الحزن وش جابك على ابوابي
………………………………… يمكن سؤالك يبكّيـك… ويبكّـينـي
من غبت عني وانا محتاجة احبابـي
……………………………… والحزن .. ياما لعب ياصاحبي فيني
******
روحٍ ، ، وريحان .. بالجنة ياريحانة
……………………………………… نلتي الشهادة وفزتي بجنة الرضوان
يخسا المجوسي اذا يحسبك خسرانة
…………………………………… انتي كسبتي شرف ماتملكه ايران
#ريحانة_جباري
******
دايم احس اني كسيرة جناحين
………………………………… انثى و تأجَّـل كل حلمي لـ بكـرة
كل امنياتي تركن برفّ "بعدين"
……………………………….. تطلع عليها الشمس وتعيش مرة
*****
تبي تعشق ويسكن بـ الصدر انسان
…………………………………..تبي تنسا لأن الآدمي نسـايّ
واذا مريت دربي او ذكرت الـ كان
……………………………...... تحمل تلتفت يمي وتزيد بكـاي
******
بالصوت انادي تعالوا ... مابقا بدري
………………………………… وادري سمعتوا ولكن مابكم احساس
تدرون وشهو سبب احزاني وقهري
………………………………… ان المحبة "قدر" تقسم لناس وناس
****
كل تنهيدة تجي لو نفتح البوم الصور
………………………… موجعه بالحيل تسلب كل صبر واحتمال
في صورهم عمر ضاع وعمر مايرضا يمر
………………………… جامدة وتنبض حياة و مشرقة بلون الظلال
*****
يالله عسا تدور الليالي ونلقاك
……………………………… نفس الحبيب اللي عشقنا طباعه
ماغيـّرك مرّة زمانك ... ونسّـاك
………………........…. من يفقدك وان غبت لو ربع ساعه
******
صوتك قصيدة عشق وحروفها توت
…………………………….... وانا علي اذوق ..حبـّه بحبـّه
ان ماخذاك الصوت والشعر للموت
……………………………….. لاعاد تكتب شعر لجل الـ تحبّه
****
صاحبي لاتقطع بحبل المواصل او تشد
………………………………… الوسط لو هو دخل في اي امرٍ زيّـنه
كل شي زاد عن حده ترا يقلب لضد
……………………………….. وان عشقت بيوم افصح عن شعورك بيّـنه
****
من راح عنّا جعل دربه سهالات
………………………………… بكرة يدور الوقت ننسى جنابـه
من فضل ربي قد نسينا الذي مات
………………………………… واللي رحل لبعيد وابطا غيابـه
********
خايف يجيني يوم وأنسى ملامحك
…………………………………… واقول اذكر كااااان اول حبيبي!!
طال الغياب بحيل الله يسامحك
………………………………….. لين الغريب اليوم اصبح نصيبي
****
يالله ترزق صاحبن ... كنت اغليه
………………………………………… عفو وشفاعة يوم نصب الموازين
وقبرن يضمّه ياعسا الغيم يسقيه
……………………………………… وتنبت على تربته ورد ، ورياحين
****
من منطلق حنا حبايب من سنين
…………………………………….. جيت اعتذر لك عن صدودك بدالك
مادام حنا قلب ♥ مقسوم لاثنين
……………………………….. سوّي ياغالي ماتبيه وبدا ... لك
******
حنا اللي ضيعنا العمر بين الصور بين الورق
……………………………… .. نكذب ونعرف هالكذب زي العمر حبله قصير
نكتب شعر نوصف وجع والقلب بالشوق احترق
……………………………… نفرق بأنـّا لـو كتبنا مايكون ... إلا لـ خيـر
****
عايش بجوّه وأنا جوّي مطر ورعود
……………………………………… يغفا وعيني طوال الليل .. سهرانة
اللي أحبه ولا كنّه معي موجود
……………………………………… خلّه يولّي ولا أزعل على شانه
******
من كفوف الشوق خذني ولمني
………………………………… شوفني في غيبتك مملي جروح
لاتظن الوصل وحده .. همني
……………………………………. كل همي بعد وصلك لاتروح
****
لاتشكي اسرارك ترا الليل فضاح
………………………………… ينبش خفاك ويبني منّه قصيـدة
واللي يعد الشعر وشلون يرتاح
………………………………… مادام طاري من يحبّ بـ جديـده
*****
الله يسامح غيبتك ذاب القلب منها
………………………………… توجع ضلوعي والصدر ملهوف يحضنها
لو يوم مريت بحلم تعال صحيني
………………………………… ودي اعاتب غيبتك واحكي معك عنها
******
كم لي اقول العمر مرة… ابيكم
……………………………… اخاف لو هالعمر يرحل بلاكم
قولوا تعال .. ومن عيوني اجيكم
……………………………… قولوا نحبك جعل روحي فداكم
******
لاتقول كيف الحال وانت ادرا بالحال
…………………………………… ماني بطيب ان بغيت الاجابة
احلام ثكلى ومابها شي ينقال
…………………………………… وايام تمضي في هدوء ورتابة