قولولها غاب البشر وتشتت القلوب
.................................... ماعاد منهو يتصل او يسأل شلونك
ولاعاد في ساعي بريد يجيب لي مكتوب
.................................. مختوم بانفاسك دعا .. بلّه دمع عينك
#امي
*******
اذا مادقت الذكرى على ضلوعك بنص الليل
............................................. نصيحة قفل ابوابك قبل تشقا بها وتضيق
لان الذكريات احيان مثل الفقد موجع حيل
............................................. تعيث بساكن احزانك ومعها كل جرح يفيق
**********
فرصة سعيدة والتقي بك على خير
............................ والخير وين .. واي فرصة سعيدة ؟
هذا وداع اغراب مابينهم .... غيـر
................................ بعض المجامـل .. ثم فرقا بعيـدة
*********
بكيتك عمر لين الدمع ملّ وضاق من عيني
................................. توسدت الوجع احلمك .. عيا الحلم ماجابك
سنين سنين ماحنيت .. لين تعدت سنيني
............................ مواعيد اللقا المنسي وانا الواقف على ابوابك
*******
انا ماابيك ترجع لي وادري اللي رحل مايعود
................................. ابي لو مرة تذكرني وتحط يدك على قلبك
تحس انك غدرت بمن عشانك دايمن موجود
............................... وتحس انك خسرت اللي تحدى العالم وحبك
******
اجيك من البرد خايف وانا كل مطمعي بدفاك
.......................................... طلبتك ضمني لصدرك ورا الاضلاع فرّقني
مثل برد الشمال انتا تشابه قسوته بقساك
.......................................... تمر شهور ماتمطر ولو تمطر تغرّقني !!
******
طلبتك لو اجي احيان في ذكرى على بالك
............................................ ابيك تغمض عيونك تضم لصدرك كفوفك
وتحضني على صدرك وتسأل كيفها احوالك
.................................. واجاوب مايسر الحال : "أصحا الصبح مااشوفك“
********
لاتقطف الورد خلي الورد بغصونـه
.................................. حـَرام تقسا عليه .. وتخنق انفاسـه
لو فارق الغصن صعب يعيش من دونه
.................................تذبل خدوده .. ويفقد نبض احساسـه
********
بيني وبينك… لو سرا الليل ماجيت
............................. احس نار الشوق ... تحرق ضلوعي
كل امنياتي تصير " ياليت .. ياليت"
..............................كانت ثواني الوقت تمشي بطوعي
*******
اكذب عليك ان قلت لك ماتغيرت
.................................. ماني انا ذاك الحبيب الـ عرفته
حتى انا لاشفت وجهي تحيرت
................................ ياهل ترا هالوجه مرّ و صدفته!!
احـ مؤجلة ـلام