ابـ بكيهم كذا عمرين فوق العمر ابكيهم
…………………..…… وارثيهم على صفحات اشعاري لجل ارتاح
صدق راحوا ولكن شي في صدري يحاتيهم
………………………… وش بيدي يمرّ العمر وأقنعني "حبيب وراح"
*****
أكبر بعد كل عام .. عام وتختنق
............................كل الاماني اللي مضت من قبل عام
ياقلبي كنت الطيب اللي يستحق
……………………………. يحصل على كثر الصبر اكبر وسام
***
ويسأل كيف هو قلبك بعد الفراق
………………………………واقول القلب مرتاح و نسا احبابه
.
تعود يخنق الذكرى .. ولايشتاق
…………………………….. يردّ مبيّـن بعينك ... يااااكـذابـة
******
يناديني يااحلامي انا مشتاقلك .. ولهان
………………………..كثر مافات من عمري وعمري اللي بعد باقي
.
اجاوبه بخجل .. اكثر انا اشتاقلك يافلان
………………………… ولو عمرك وصل الفين انا اكبر بأشواقي
*****
وش احلى من صباح الخير غير انك ترددها
………………………………… تجي من مبسمك حلوة بطعم الشهد والسكر
.
صباح الامنيات اللي اذا حاولت اعددها
………………………..…… تكون القائمة باسمك وبعدك يخلص الدفتر
******
ماكل من صفّ الكلام بشاعر
…………………………………… ولاكل من زان القوافي وليدة
.
الشعر قبل يكون حزمة مشاعر
……………………...………… فن وجزالة صعب جاهل يجيده
*****
ياداعي الشوق منهو يسمعك اقفا
………………………………… ولاعاد باقي معـانا غيرنا سهران
صوتك يجر الحزن ،، لاترفعه تكفا
……………………… ..اخاف يصحا الوجع وبجدد الاحزان
*****
وقت احتياجك للبشر ماينفعك زيد وعمر
..........………………… ماينفعك الا الصديق اللي ذخرته للزمن
.
لو فيك ضاقت دنيتك يفتح لك ضلوع الصدر
………………………… ..يشريك بالشدة ولو كانت .. حياته لك ثمن
******
اكذب واقول الحلم بكرة يبي يصير
………………………………… واصحا على واقع جميل ومثالي
كل يوم اقول اليوم بانام بكير
……………………………….. يمكن يجيني الصبح والقا الغوالي
***
نعيش العمر ماندري عن المكتوب
………………………………… وكل اللي يجي قسمة ورضينا به
بشر حنا لنا قلب ونشيل ذنوب
…………………………………… وعزانـا ربـّنا … فاتح لنا بـابـه
******
احـ مؤجلة ـلام