ياساهرن ليل العنا الا على طاري
.......................... ما مر في ليلك اثر باقي حلم عابر
اسمعك تبكي من وجع لكنك تداري
...........................وتضم جرحك والحزن بالقلب وتكابر
*******
لاتهز فنجال الحكي توه الليل
................................. لا ما ارتوينا من غلاك وجنونك
بالأمس قالوا بالسما بين سهيل
....................................وانا اقول سهيل طلّـة عيونك
****
ياساهرن ليل العنا يكفي تجر الصوت
................................ ثار بسبايب ونّـتك ليلٍ بدا هادي
.
من قال لك ان الذي منك خذاه الموت
.............................. ممكن مواجع غيبته تصبح امر عادي
******
ويقول لبا. . وانا كلي فدا لبا
............................ تاخذ خفوقي ومن سجن الضلوع يطير
يحتار وردي على اي خد يتخبا
.................................. ياقلبي افرح وكل لبا وانت بخير
*******
سهر وغيوم سشوق وليل رومانسي
................................... وانا والشعرفي هالليل زوارك
اخاف اجيك والقاني حلم منسي
....................................مجرد حرف في ذاكرة اشعارك
******
والضيق تالي الليل يوسع مدينه
............................... ازرى يشيله كود صدرن شمالي
يصفق على يسراه راحة يمينـه
................................ يجرع مرار الفقد ... عدّ الليالي
*******
واغلب من نظم شعره تغزل في هوا سلمى
............................. ايا سلمى حرقتي قلوب عشاقك متى تحنين
تراه الشعر مثل الغيم مثل الروح مثل الما
............................ بدون الحرف ياسلمى نعيش العمر محرومين
****
أششش اسكت ماأبي اسمع عذر
..................................ودي بس تضمني وتبكي معي
من فقدتك والعمر ماهو عمر
................................ شي غالي وإنكسر بين أضلعي
شي مثل الحزن أو مثل القهر
.................................. حيل يوجع لو لمسته بأصبعي
*******
هو فيه مثلك عشان اعشقه واخونك
………………………………… الله خلقك وعطاك من الغلا اصناف
لو اربعينك معك كانوا يشبهونك
…………………………… تفرق بأنك سبقت الـ يشبهك بأضعاف
*****
الـمّ الغيم واهديه لجفاف العمر
……………………………… واصلي ركعتين انده "يارب الغيث"
انا عطشى وبي جفّت عروق الصبر
…………………………….. تهب الريح بغيوم الامل ... وتعيث
******
ياشمعة السهرة اذا اقبل الليل
…………………… غبتي وذاب الليل شوق لعيونك
وليل لفراق اللي نسته التعاليل
…………………… يسأل نجوم الليل يانوووور وينك
يانور دنيا الحب مشتاق بالحيل
……………………… ضوي سما احباب مبطي يبونك
عـزاه للي ماتجيـه المراسيل
……………………… مجروح يشكي كايد الهم دونك
احـ مؤجلة ـلام