ثارت حروف الشعر بأحساس محروق
................. وشبت قصيد الحزن بين " المحاني "
.
لاصار مجرى الصوت بالحرف مخنوق
.....................وشلون ينطق بالقصايد " لساني "
*******
مـَروا مثل هالناس ماكنّنا احبـاب
..................... لاقالوا اشتقـنا ولا دقوا ابوابي
ناديتهم ملهوف لا ويـن ياالغياب
............... لحظة .. خذوا هالقلب ضاقت به ثيابي
********
من كفوف الشوق تكفا لمّـني
........................ شوفني من غيبتك مملي جروح
لاتظن الوصل بس .. يهمّـني
........................... كل همي بعد وصلك لاتروح
******
نبكي حزن نبكي من هموم وحنين
............................ مدري متى يادنيتي .. نبكي فرح !!
بعض الدموع احيان .. مثل الطيبين
........................... تروي العروق بقلب "أخلص" وانجرح
******
سلّم على اللي ساكنٍ في محانيك
..............................وقل له هنيّ اللي بـ قلبك مكاني
وان صار غيري اليوم آخر امانيك
...............................لا بارك الله في ... جديد الأماني
*****
بعد عيني علامك حاير وضايق !!
............................. وش اللي كدرك .. ارجوك فهمني
اذا عاشق انا مثلك 1000 عاشق
.............................ومناي استوطن ضلوعك وتحضني
*****
خذيت درس من الحياة وحفظته
................................. مضمونه ان الناس نادر وفاها
.
وان الصديق اللي بعينك حفظته
................................ احيان نفسه .. من يسبب عماها
******
روح بأمان اللي قسم رزق الأحبـاب
.............................. كل شي قدر .. مكتوب ماني نصيبك
لاتقول عادي خلّنا اخوان .. وأصحاب
................................. صعبه نصير أصحاب ..وآنـا حبيبـك
*******
صدرك وطن وانا عشقت المنافي
................................... مركب غريب وملّ ضيق الموانـي
جيتك غريب الروح جايع .. وحافي
.................................... ورجعت خايـب كـلّ مابي يعانـي
******
يعني خلاص الليلة موعد رحيلـك
......................................طيب و"قلبي" من ببعدك حبيبـه !!
لااشتاق مرة كيف ممكن يجيلك !!
......................................... لاتجرحه وتقول : "هذا نصيبه"
******
انا اللي مالقت ادفا من احضانك بليل البرد
............................... وانا اللي ماعرفت تغفا اذأ ماضمها صدرك
صقيع الفقد مايرحم واناربعدك ضلوعي جرد
.............................. ياليت اللي قسم موتك خذا عمري فدا عمرك
*******
صحي احلامك حبيبي خلي الصبح ايتنفس
..................................... لاتنام الشمس تشرق من عيونك لاتنـام
تاهت الشمس بسمانا امس لما الليل عسعس
..................................... هاتها خلّي الشتا برده على ضلوعي سلام
******
كريمة نعمة النسيان معها تصغر الاحزان
....................................... تمر بقلب المفارق وتشفي له جراحاته
الا يالله من فضلك عظيم المن والاحسان
...................................... تزيل هموم من يطرق على بابك بدعواته
****
في تالي الليل ودك تحضني لحافِك
...................................... مادام مالك حبيب تنامي ... بأحضانه
ولو حس فيكِ الأهل او واحدن شافك
........................................ قولي طويل الشتا وبالحيل .. بردانه
*****
في تالي الليل ودك تخنق الذكرى
................................وتنام عادي قريرالعين متهني
ماتشغل البال بالاحلام وبـ بكرة
............................ يكفي خفوقك بدرب الشوق متعني
****
احـ مؤجلة ـلام