03-21-2015, 12:13 PM
|
| |
 تفعيلة ... قول رايح ...
إيـــــــه أبكي غرّق الصفحات من ديم الحدق وحيل اشكي ,, دونك الطوفان والمركب ورق بلل يباس المحاني , والمشاعر , وصير شاعر لو شهق حرفه وجع غص وشرق ولو زفره جروح ذاب البوح , وبالهم أختنق~ إيـــــــــه خلك ,,
لا تحاول ترتقي هذا محلك
جزءك المفقود من عمر الأماني,
ذاب في هالليل وبالعتم انسرق .
وجزءك الموجود , والموعود ماله وجود ~
غير بأوهامك ولو عدّى وش يهمك
ولا حتى فرق .
صيح ,, لين الريح تنسفك / وتبعثرك / ويسيح
اشتياقك من مساماتك ,, وصوتك في لهاتك احترق
يـــووووه منك كنت أظنك
وللأسف !!
ماشفت منك غير ضعفك
يوم حرفك مات بإيديك وشهق ~
تشبهك باقي حياتي لا تحاتي ,, وقول هاتي
قلبي اللي غير حلمه ماعشق
اطلقي للريح ,, ساقي وشهو باقي ؟؟
ماتت أشجار المحبه ,,ياهي صعبة !
حين غدرتها السواقي ,, وجفت الأغصان
وأصفر الورق ~
قول رايح ,,,
ودعيني وأنطريني وإن حضر طيفي بحلمك أحضنيني
قول /رايح /
هذا عمري ,,,, في غيابك يشبه حضورك
وبابك كل ماجيته بوجهي رده الريح ,,,, انغلق
وكل عمري راح مني في انتظارك وإنسرق
قول رايح وش فرق ؟؟
أحــــ مؤجلة ـــلام
jtudgm >>> r,g vhdp جميع الحقوق محفوظة وحتى لاتتعرض
للمسائلة القانونية بسبب مخالفة قانون حماية الملكية الفكرية يجب ذكر :
- المصدر : شبكة الشموخ الأدبية
- الكاتب :
alshmo5 - القسم :
مجلة الشموخ الثقافية
- رابط الموضوع الأصلي : تفعيلة ... قول رايح ... |