سلام تسليمة ٍ فيها الرضـا والخصـام=ترضي رموز النقا وتزعل جميع الرخوم

يا صاحبي وش جرى لحسين قش الخيام=وأقفى قليل السعـد متنكـر ٍ للسلـوم

يامرحبا عد مايمطـر وهـل الغمـام=الي ليا هل يطفي جمر سمر وجـروم
يابو سعد طيركم شلّـع لبـدر التمـام=وازريت لاشوف حجلٍ فيه حرف ورقوم

قبل أمس جا يدهر يبغى بلوغ السنام=واليوم قفى سريع ٍ والجواز مختـوم
في صاحبك ما درى يقرا خفي المرام=والخافية بيّنت يـا نـادر ٍ بالقـروم

مايبلغ الطيبه غير الرجال الحشام = ولا الردي وان تشيّخ ماتشيّخ بقوم
الي ركب ناقته من دون مس الخطام = لابد ماتطرحه من فوقها مايدوم

أقفى ومن سرعته بالجو ثار العسام= وأثريه له مأرب ٍ وأهداف غاد اليموم
لا يحسب الصرح من دونه يجيه الهدام= وأركان صرح الوفا تبني بقو ّ العزوم

تـرا الـنوايـا سـواة الـنجم وسط الظلام = لابـد تـظـهر ولـو غـطت عـلـيها الغيوم
الصرح ضلعٍ ولاهو مثل ريش الحمام = ماقشه السيل لو هو قش دعب وحزوم

طير النوى في سما الأوهام يا صاح حام=واليوم هو يتقي يا شاف بالجو حوم
تدري وأنا عارف ٍ لو هام ماله مقام = ولو نستمع للردي راحت علينا علوم

يامحاور لك من كفي جزيل السلام=أنته و من حاورك باجزل حروف ٍ تدوم
في كل شهر ٍ لنا موضوع حسب النظام= ومن صد لا رد والحاضر يسد اللزوم

ماخـاشـر اعـقـابنا بومٍ نـعـق بالـعدام = اعـقابـنـا اعـقـاب كـبد الـجو والـبوم بوم
يابو سعد لو يفيد الهرج ولا الحـلام = ان كـان فــادت يـتـيـمٍ عـاقـبـتـه الـهـموم

مبداي باسم الولي يا أهل المعاني شمام= الواحد المعتلي رب ٍ كريم ٍ رحوم
الله كريم ٍ يبدل عسرها بإنسجام =ويفرج لقلب ٍ من الضيقات دوم مهموم

ما شفت يا صاحبي بأبريل فزعة عصام= وأثريه يحسب لها حسبات خمسة نجوم
لين أنكشف مقصده للصحب يا ابن الكرام=واللي طلب ما حصل وأقفى ذليل مهزوم

مبداي باسم الولي يا أهل المعاني شمام= الواحد المعتلي رب ٍ كريم ٍ رحوم

الله كريم ٍ يبدل عسرها بإنسجام =ويفرج لقلب ٍ من الضيقات دوم مهموم

يا مرحبا عد وبل ..ن عقب نفض العسام =يغسل نفيض الغبش يفتر معاه السموم

سبعين عذر التمسنا من سوات النعام =يمكن مريض و دواه اينام وضع امخدوم