مشتاق للي بحل الشعر وافكاره= طيفه نشا بالخيال وشم تعطيره
منه فؤادي ضناه الشوق واسواره= طوق المحبه عليه صعب تحريره
شوفه يرد الأنس والروح منهاره = لي زارني طيفه المزيون تصبيره
مادام قلبي شفي لو قلّت ابصاره= مسحور والعقل ضاع ومال تفكيره
لي صار يمي يصير البوح واشهاره=بين الشقا والرضا مليون تعسيره
والقلب وشخانته لو طاحت اقداره =مظنونه الحب ما يحتاج تشهيره
لاني أعيش الوله واعرف لمدراره=بين المعاليق نشبه مثل تعزيره
لاني عرفت الغرام ومدرك اخطاره=والصمت حد ٍ من احكامه وتدبيره
لأجله نصيت القلم والطرس واحباره= لوّي اعيد الشعر واعيد تدويره
مشتاق للي بليلي شعت انواره = نوره بدا بالسما يا زين تنويره
مشتاق والقلب بيّح كامن اسراره= فوق الغلا والمحبة ساق تقديره