طار الكرى ومن غرقة النوم فزيت = وقلت الخبر قالوا عن الفيصل سعود
جاه القدر من خالق الحي والميت = راح الذي مع ملة الناس له جود
ما عاد ينفع قول يا عل يا ليت = ما دام راح سعود والشعب ملهود
لو يرجع اللي راح بالصوت ناديت = لكن فقيد الدار لا يمكن يعود
عساه بالفردوس يا رب تثبيت = وعسى مقره بالرياحين وورود
كل العرب تبكيك يوم انك أقفيت= وشلون ما نبكيك يا خلفة العود
نصبر علي الأقدار يا عالي الصيت = وحكم الولي كاينٍ وصاير و موجود
الشاعره ضاامية الود