ماعاد تغريني كثير التفاصيل
…………………… .قصة وماتت بين قلبي وبيني
واللي بقالي منك شعر ومواويل
…………………… .واطلال عشقٍ راح بيح كنيني
واحساس شوق يمر ليل التعاليل
………………… يحرق ضلوع الصدر ينثر حنيني
ماوردوا ع القلب غير الغرابيل
…………………… ودمعة ندم واحزان بانت بعيني
-----------
واللي قسم نشتاق شوفك ونفقدك
……………………… قادر يعوضنا بـ غيابك .. حبايب
وان كان يرضيك المفارق وبسعدك
…………………….. الله معك وش عاد نفع الطلايب
روح بأمان الله مسموح واوعدك
……………… ماابكي عليك ان صرت "طيب" وغايب
--------------
اشعل فتيـل القصايد ليلنا خرمـس
…………………… واقدح زنـاد المعاني بدي الجزلـه
لاعاش حرف الشعر ان كان مايلمس
………………… اعمق عروق الحشا .. ويهيجه كلّـه
تعال نسهر سوا بليل العشق نرمس
……………… ..ودندن قصيد الهوا صعبه على سهله
والليل يفرح معي بوجودك ويشمس
......................شفت بحياتك عتم به شمسٍ مطلّه
---------
ليت ربي ماخلق بالكون اية ناس غيرك
……………… وين مالديت عيني مااشوف الا عيونك
تحتضني بكل لهفة في يمينك مثل طيرك
…………… ..يطربه نبض القصايد يوم تعزفها لحونك
لو ضميتك اشربك واورد على هداج بيرك
.........وارتوي من عذب ماك واروي بشوقي جنونك
-----------
اكذب واقول الحلم بكرة يبي يصير
……… واصحا على واقع جميل ومثالي
كل يوم اقول اليوم بانام بكير
….. يمكن يجيني الصبح والقا الغوالي
كم قالت الأحلام تصبح على خير
…… .وانام وأصحى ماني انسان خالي
دورت خير أحلامي ولاحصل غير
...........أداوي جروح المفارق / لحالي
ماعاد حلم الليل .. يحتاج تفسير
........لاصار مظلم ... مثل سود الليالي
يفتح جروح القلب من غير تبرير
..........ويضيق به صدر وضلوع الشمالي
أحــ مؤجلة ــلام
تويتر .. Ahlaami
انتستغرام .. ahlaami2
سناب .. ahlaami2