بدينا بذكر الله وفكري بدع معناه
وصدري مثل بحرن تصافق به امواجه
ولا ياوجودي وجد من ضاق به ممشاه
يدور على دربه ولاشاف مخراجه
تموت العباد وكل شين على مبناه
ونرحل عنا الدنيا قبل نقضي الحاجه
ولاياهني اللي ذكر فرضه وصلاه
وجنب معاصي نارها دوم وهاجه
من ايعيش با الدنيا لابده تزل اخطاه
وياخذ عبر ودورس من كثر ماواجه
لاونك تناظر وقتك وتنظر لمنهاه
احد ماسك العكاز واحدن بدراجه
ياهلال شب النار والكيف يا محلاه
على دار عودن طيب فعله ومنهاجه
تسمع لصوت الذيب فيها لاجر عواه
يخليك تنسى قوم با الكذب هراجه
صديقك صديقك يوم جا لازمك تلقاه
وعدوك يقفل عنك بابه بمزلاجه
انا في رجاء اللي طالبه جنته ورضاه
يسهل لنا دربن بلشنا بمدراجه
قصيدة : الشاعر مسند بن دعيس