في غيابك كل هالدنيــا حزينــة
مابقــا للعمــر معنــى في غيابــك
كل ذكرى .. جابتــٓك مرت علينــا
جابهــا ليل الشقــا عاني وجابــك
كل همسة عشق ذابت شوق فينا
كل ريحة عطر فاحت من ثيابــك
في تفاصيــل القصايــد لو تجينــا
افتح الصدر واضمــك .. ياهلا بــك
ياهــلا بــك .. لو على بالك طرينــا
ولو نسيت ولو طريقك بك غدابك
ياهلا بــ ريحــة مطر فيه انتشينــا
واعشب القلب اللي حبك وانتشا بك
لــيه رحت !! وتونــا لا ماارتوينــا
من مطــرك ولاتباشرنا بــ سحابــك
ماانتهينــا ... تونــا فيك ابتدينــا
ليه غبت ودرب هجرك بك سرا بك
ليه بــ دروب الغلا .. ماتحترينــا
ليه نظمــا شوفك ونتبع سرابــك
ولو رحلنا او رسينا بــ ألف مينــا
خطوة الأشــواق تاخذنا لــ بابــك
لو يمــر العمــر ....مامــرة نسينــا
جرح قلب احتاجلك يوم وهقا بك
كم جرحت وكم سكتنــا ماشكينــا
تدري اللي يعشقك يرضا بــ عذابك
ياالقلوب اللي امتلت حزن وغبينة
يجبر الله كسرك ... ويجبر مصابك
لو بكينــا غصب..... عنا مب يدينــا
كل مافينــا انكسر لحظــة غيابــك
أحلام مؤجلة
تويتر / ahlaami@
انستغرام /سناب ahlaami2