أخواني و أخواتي في هذا المنتدى المحترم
السلام عليكم ورحمة الله وبركاته بعد غياب طويل عنكم لبعض الاشغال والظروف
أحب اشارككم بهذه الأبيات على أمل أن تنال استحسانكم
الله اكبر وش اللي عاد تبغى نقول
بح صوتي وكثر الصوت ما ينفعك
في بداية هوانا كان طبعك خجول
يوم طرفك تغضه عند ما اودعك
كنت بهجة فؤادي في جميع الفصول
يوم اطالع ويحكي بالهوى مدمعك
كل يوم ٍادور عذر ادور حلول
يوم تشكي تقولي ليه انا ما اسمعك
انتهى الحب الاول ياعديم الاصول
صرت اغمض عيوني لاجل ما تتبعك
كان مسكنك وسط القلب عرضٍ وطول
كنت اطيعك الى من اشرت لي بصبعك
حبنا مات مثل الورد وقت الذبول
ما اسرعك خنت حب الصدق يا ما اسرعك
هاجمتني جيوشك يا شبيه السلول
كم تحاول تحقق بالهوى مطمعك
انتهى الحب ماعاد لك معنا قبول
والله لوكنت وصله من يدي لقطعك
دام بان الهوى يغريك دق الطبول
رح بدربك حلفت اليوم انا ما امنعك
والله ما اصدقك لو تعيد حلف الفضول
بابتعد عنك وانظر من بعد ينفعك