السلام عليكم ورحمة الله وبركاته
أبيات من الأرشيف لذكرى أجمل فصول السنه فصل الربيع أتمنى أن ينال رضائكم ,
يا حمود شـب النـار زوّد لهايبـه
وأحمس لنا بن ٍ مـع الهيـل ذايبـه
مع تمرة ٍ مرباه فـي نقـرة الحسـا
وصفر الدلال اللي من البن رايبـه
بأرضٍ كساها الزين بالعشب ربعت
والديم يسقي وسمها مـن سكايبـه
وريح الخزامى والنفل عبقه أنتشـر
وفاح الشذا عبر النسيـم وهبايبـه
مع رفقة ٍ دايم على الطيـب عزهـا
تجمع رفاقـات الخفـوق وقرايبـه
هذي مناة الروح عنـدي وشفّهـا
تنسى الهموم اللي على الصدر صايبه
ياالله ياللّي خالق الارض والسمـا
تفرج هموم اللي شكا من مصايبـه
والحمد للي بأمـره الأرض ربعـت
وخلا عليها الغيث تمطـر سحايبـه