قصيدتي المتواضعه اضعها بين ايديكم
لعل وعسى ان تنال ذائقتكم واعجااابكم
:
حبيبي لا تزعلني تراني حيل تعبانه
دخيلك لا تضيقني ودمعي مغرق(ن) عيني
احب الليل وجنونه عشانك ريم سهرانه
ما ترحم حالي وحبك سكن فيني ومشقيني
كفايه صدود يا غالي لشوفك حيل ولهانه
تعال وغيبتك مره تعال وضمها ايديني
تعال وبيع خلق الله وشوف الشوق واشجانه
تعال وهجرك القاسي كرهته ليه يكويني
حرام انك تخليني أواجه قوم جيعانه
يبون من الغدا لحمي وأنادي وين مغليني
كرهت الناس بغيابك عشقت الهم واحزانه
تعال وشوف خلق الله تبي تاكل شراييني
يهجروني اذا اطريتك ودمعي معذب اوجانه
انا ما ابيهم انساهم ابي عيونك تحاكيني
حبيبي وجودك يكفي ترى ماني بطمعانه
احس بقربك آماني أمانه لا تخليني
أحس احساسك الطاغي يسافر بي مع الحانه
يقربني ويبعدني على كيفه يغنيني
تعال وشوفها احوالي وشوف شلون زعلانه
حرام انك تجافي ريم احبك لو تجافيني
من ابياتي من احزاني اهز الشعر حيرانه
ابي وصلك ابي قربك طلبتك لا تبكيني
وسلامتكم