عبدالعزيز الفدغوش
سلام تسليمة ٍ فيها جميل المعان = بالشاعر اللي يجيد الطرق طرق ٍ رزين
شفنا الولع والهوس والبهرجة بإفتتان = وكل النظر متجه للمونديال اللعين
فالح بن طفلة
يامرحبا بــشاعرٍ مشتاق له من زمــان = ومن سوق شعري باسوق إله الثمين السمين
وحنا إرتفعنا عن العالم وهم في طمان = والــنـــاس مــــشغـــــولةٍ بالــــمنــديال اللعين
عبدالعزيز الفدغوش
ناس ٍ على الملعبة يا صاح جاها جنان =وأشوف وضع البلد في غير ذلك حزين
مابين مدّ وجزر وأحداث وقبل رمضان = ومسيلمة يدهر شرق وشمال ويمين
نادر الروقي
لاتحتري من هل الكوره تشد العنان=لو زادت اصواتها لو لوحت باليدين
وامسيلمه وابن عمه ماعليهم ضمان=مادامهم للقريضي عاهدوا باليمين
شغموم بن طحطوح
يا مرحبا و المعاني بين هزل وسمان =والعقل لامن حسن تلقاه جسمه حسين
يا حية تكشر ابنيبانها واللسان =ومسيلمة لا ركع تلقى معه راكعين