قصيده للشاعر عثمان الناصري
هو عثمان بن حمد بن عثمان بن حمد الناصر بن ال سيف الناصري
ويذكر بها الشاعر عثمان بعض افخاذ قبيله النواصر
من لا وزن هرجه يجي فيه منقــــود = يصير عند الناس يستنقصونه
يا مل قلبً هيضه عبس مقـــــــــرود = يـقول ماله ناصرً ينصـــــرونه
دنِ القلم يا خويّ أكتب عن الــــزود = والنقص للي بالمثل يازنـــــونه
أكتب ســــــــلامي للنواصر من العود =في كاغد لاسـماعهم يسمعونه
وانصارنا الماجد هل الفعل مشــــهود = سواقة للغرم ما يا خـــــــذونه
وانصارنا المعجل مواصيل ووســـود = أهل الذهانه كل شيً يفهمـونه
وانصارناالعبيان ذربين واعــــــدود = إلا عناهم قادم يكرمــــــــــونه
وانصارنا الفايز صنــــــــاديد واحيود = أهل الظفر هو والكرم يبذلونه
وانصارنا المقبل هل الطيب والجـــود = عدوهم من فعلهم يرغمـــــونه
وانصارنا بعد الحماضا هل اســـــدود = أهـل الوفاء في كل درب يبونه
وانصارنا بالغاط عقال بحــــــــــــدود =إلا نواهم عادي يفشـــــــــلونه
وانصارنا بالمذنب ارســى من الطود = إلا زبنهم لاجيً يحشــــــــمونه
بـاقي النواصـــــرما عليهم بعد زود = أهل الحميه سلمهم يمســـكونه
راعي الحميه متى يجي سايق اوقـود = ولا يحتري أهل الحكي يدفعونه
العظم يفنى واللحم عاد للـــــــــــدود = من لايحامي عاجلً يدفنـــــــونه
من لامني فيهم عسى ماله اوجـــود = لعـل ماله لابة يذكـــــــــــــرونه
من لايجي به غيرة خســــر مقـرود =أباعد العالم غدو يكرهــــــــونه
صلاة ربي عد ما يثمرالعــــــــــود = واعداد ما دار الفلك مع اركونه
على النبي صليت بالهون واركــود = عداد ما هل المطـــر من مزونه
واعداد ماهبت هبايب من النــــود = واعــــــداد خلق للولي يذكرونه