شبكة الشموخ الأدبية - عرض مشاركة واحدة

جوهر الراوي · 04:42 PM

بديت بسْم الله هو الواحد الحي
الخالق المعبود ربّ الجلاله

مرسل رسوله ينقذ الناس وينبي
ينبي عن الحقّ ويبلّغ رساله

الحق حقْ ودربه الناصع اسْوِي
والباطل باطل دوم عاقد حباله

يستر علينا ونعمة الأمن يضفي
ويديم فضله والنّعَم والعداله

حي الله شهر الصوم والنّور والفي
حي الله شهر الصوم والخير فاله

شهر رمضان اللي له القلب مروي
مروي محبه ومزدهر في جماله

وكل مسلم في صيامه بْينوي
ينوي رضآ ربه هي غاية مناله

عسى الله يغفر كل زلّه ويمحي
يمحي ذنوب العبد في كل قاله

يرزق عباده توبة ٍ من هوى الغي
ويهدينا للي في طريقه كِماله

مْحمّد نبيّ الخلق للحق مهدي
نتبع خُطاه دون زيغ وضلاله

يالله ياللي فارض الصوم تعفي
عن كل صايم جنتك هي مآله

وصلاة ربّي عد مالْربي تِرضي
على نبيّنا و صحبه وآله
:
جوهر الراوي