شبكة الشموخ الأدبية - عرض مشاركة واحدة

مساعد الخالدي · 08-17-2010, 11:17 PM

اقتباس:

المشاركة الأصلية كتبت بواسطة جوهر الراوي

مرحوم يا القصيبي مرحوم مرحوم
مرحوم ياللي كنت مضرب للآمثال

يا من رحلت عنا في حزة الصـوم
شهر رمضان اللي له الخير مدهال

عساك للفردوس من النار معصـوم
يا غازي القصيبي يا صنو الآبطال

يا آخلص وزير ٍ انعرف بيننـا دوم
قوّة شكيمه مـع تواضـع وإجـلال

أفنيت عمرك للوطن شايـل همـوم
هم المواطن همّك بكـل الآحـوال

شهد لك بالإخلاص خادم ومخـدوم
مثلـك قليـل ٍ بالرياجيـل رجـال

رجل ٍ محنّك مع ثقافـات وعلـوم
أديب وشاعر مقنع آقـوال وآفعـال

لله درّك ياللي مـن عليـة القـوم
ياللي آثارك باقيـه لكـل الآجيـال

ياما تعلّت بالسمـآ عندنـا نجـوم
لكنه نجمك حـاوي ٍ كـل الإقبـال

مازال نهجـك ندرسـه بيننـا دوم
فن الإداره والقيـاده لهـا آشبـال

خبر وفاتك صرت آنا منْه مصدوم
خبر رحيلك شبه هـزّات زلـزال

نطلب لك الرحمه بكل ليل ٍ ويـوم
ونطلب لك الغفران كا لمزن همّـال

واختم كلامي واجلي عن نفسي اللوم
واسترجع الله صاحب الأمر والحال

وصلاة ربي عد الآعـداد بالكـوم
على النبي شفيعنا بيـوم الآهـوال

’،

جوهر الراوي

الشاعر جوهر الراوي

صح لسانك

ورحم الله والديك على القصيدة المؤثره

بحق فقيد الدولة والشعب السعودي

معالي غازي القصيبي

غمد الله روحه الجنه
واألهم أهله وذويه والجميع الصبر والسلوان
انا لله وانا لله راجعون