طُرق الباب واذا بالطفل يقوم بفتح الباب كان هناك والده مع مجموعه من الرجال
يبه هلا ويحبه على خشمه ويركض الطفل لامه يمه جونا رجال اكيد عندنا عشاء
قالت الام ايو الله ياوليدي حياهم الله رح ياوليدي عب الاسطوانه يمكن تخلص علينا
ومايكمل طبخ الذبيحه ابشري يمه واذا بالوالد يدخل ام فلان عندنا ضيوف
قالت حياهم الله يابو فلان ارسلت فلان يجبيلنا مقاضي للعشاء رد الوالد
الله يسلمك وذهب ووجهه متهلهلا من السعاده
ــــــــــــــــــــــــــــــــــــــــــــــــــ ــــــــــــــــــــــــــــــــ
في مكان اخر عندما دخل الوالد المنزل كان خلفه مجموعه من اصدقائه زاروه من
بلد اخر قلط ضيوفه وذهب ليرى اهل بيته يجوب البيت واذا من فيه نيام قام بإيقاظ
الزوجه قالت وش فيك مصحينا من صباح الله خير علما بأن الساعه تجاوزت العاشره
قال عندي ضيوف قومي يامره عندنا عشاء اليوم قالت الله لايحييهم
وش جابهم هالحزه والله فاضين للمسايير قام وصحى الولد الكبير العزوه ياولدي قم جب لنا
ذبيحه من السوق عندنا ضيوف قام يصايح انا تعبان مانمت للساعه 8 الصباح
بعدين هذولا وش يبون منا جايين على هالصبح مافيه عندهم اهل
اصبح وجه الوالد شاحبا من هذه المواقف اللتي الفاها من اقرب الناس له
هنا نقول
ـــــــــــــ
عرب وليدك عربه والنار من مقباسها **** بنت الردي لاتاخذه لو هو طويل راسها
الإهداءات
عرب وليدك عربه 
العرض العادي
