مرة ومرة !!!!!!!

بين كثرة غلاك وبين قلة وفاك =حار فكري وحارت مفردات القصيد

ما عرفت أوصفك ما بين هذا وذاك =لا بغيت أوصفك تظهر بشي جديد

مرة أقول محدن واصل مستواك =في صفاتك وذوقك واحترامك فريد

ومرة أقول يا مخلوق وش ذا دهاك =تعتذر عن خطاك وبعد هذا تعيد

الحقيقة عجزت أفهم نهاية خطاك =والمصيبة غلاتك كل يوم تزيد

لو بغيت أتخلا عنك واعلن جفاك =جاء هبوب العواطف قال خلك ركيد

ون بغيت أسمعك واسايرك في هواك =جاني العقل قال أفا تطاوع بليد

صرت محتار في طيبك وقلة حياك =واعتبر نفسي إني عن قراري بعيد

ودي أعلن رحيلي وانتقل عن سماك =واترك البهذلة والهم وابقى وحيد

بس خوفي إذا فارقت نلقى كماك =ثم نرجع على طرق الصخر والجليد