اعروق قلبي من فراقه غدن خلج

ضـاقـت بــي الدنـيـا ولــو كلـهـا افـجـوج=وجوي عقب ماهوب صافي قلـب عـج
والدمـع مـن عينـي علـى الخـد مزعـوج=والــحــب عـذبـنــي وفــــج الـنــحــر فـــــج
كنت احسبه ضحكات وامزوح وهـروج=واثـــر المـحـبـه رجــــت الـقـلــب وارتــــج
احـــن حـنـيـن الـخـلـج والــبــال مــزعــوج=واعـروق قلبـي مــن فـراقـه غــدن خـلـج
لـو رحـت اســوق الـرجـل فالبـيـد وادوج=ارجـع وانـا صـدري مـن الـحـب مـاسـج
حبه في صدري حافظـه داخـل ادروج=وامـا الغـلا فـي نـص قلـبـي بـنـى بــرج
صافي نحر ناحل خصر ساق مدموج=اسود شعر اعكش هـدب نظرتـه غنـج
تـوبـه مـاعـاد احـــب وش مـنــه مـنـتـوج=غـيـر الـفـراق الـلـي يـخـج الحـشـا خـــج
عــســـى لـيـامـنــي تـضـايـقــت مـــاحـــوج=غير الالـه اللـي فـرض للبشر حـج