صوت .. و.. صدى ؟
على رقم الجوال الخص بي وردتني هذه الأبيات من شاعر لم أستدل على أسمه حيث
لم يجب على الرقم الذي أرسل منه الأبيات فأطلقت على صاحبها الشاعر المجهول ويقول
في أبياته الموجهة لي :
البارحة سجيت عشرين سجه= ومن كثر ما سجيت ماني بطايق
يا صاحبي قلب العنا لا ترجه = يمكن من الرجات تلقى الحقايق
الله فرض أربع فرايض وحجه= وحساب عمرك يبتدي بالدقايق
يا مبارك الطومي ترى الوضع دجه= فكّر معي بشويش لا صرت فايق
وقد أجبت مرسل الأبيات بالصدى التالي :
إركب على جيب ٍ إليا ثار عجه= من سرعته ما يضبطه كود سايق
كنك على صاروخ روس ٍ موجه= عن الهدف ما يقهره كل عايق
وقال المثل لا ضامك الوقت وجه= غرّب وتلقالك من الناس لايق
ما دام مالك خلق صجه ولجه= ومن ما تشوف وتسمعه ما أنت رايق
حط الجدي يا صاح بين الأحجه= وأسمع شريط المنقرة إبن شايق
ويم الديار اللي تمنى توجه = شمال كان إنك من الوقت ضايق
وإليا حصل لك بشت لو نصف فجه= يدفي ويكفي عن عراض الشقايق
وعمرك من أهل الكذب والظلم نجه= سود القلوب إمقلبين الحقايق
خلّك صبور وعطف ربك ترجه = ينجيك من ظلم وطغى كل بايق
مبارك مليحان الطومي
الإهداءات
صوت .. و.. صدى ؟ 
العرض العادي
