http://im69.gulfup.com/OUWXv.png



تعال بكل اجزاءك انا ماابي تجي اقساط
............................... اذا تبغاني تجيني ياكلك ياالعوض بالله

تجي خطوة تلاقيني على دربك قطعت اشواط
.............................واذا اقفيت اقفينا ومن اللي "عافنا عفناه "

قال :

‏تعال اقهويك الولــه لأخـر الليــل
واسقي عــروقن ناشف الدم فيهـا

كنت اتحرى من الضمى لمعة السيل
شحّت غيومك ..... ماروتني يديهـا"

قلت :

جيت وسما الاشـواق غيـمٍ مظاليــل
هلـّت مـزون الخير ... من جانبيـهـا

القلب اخضــر والاماني تساهـيـــل
مدّيـت كــفّ الوصل ..سلـّم عليهـا

احلام

على درب الامل مـدّ الخطا يمكن ... تلاقي لك هناك .. "احلام ورديـّه"

مابين الخوف والممنوع والممكن ... يموت الحلم .. من يدفع له الديـّة

*****

انا ماعادني صغيرة كبرت كثير ... عرفت ان العمر لو راح يعني راح

عرفت ان الزمان المرّ فينا يسير ... وكل خطوة تموّتنا .. بدون سلاح

******

عطينا من قلب من غير اي منـّة ... نظن الناس تستاهل مثل اول

نمد الطيب مانبغي سـوا الجنـّة ... غير الله ..ما نرجي ولانسأل

*****

انا طيبة وبأحسن حال لا تسأل ... وذا قلبي ورا ضلوعي على حاله

اعيش واكل واشرب مثل اوّل ... واعالج جرحي الموجع .. بإهماله

******

وافرش لك ضلع صدري عشان تمرّ ... بكل خطوة تعديها ... أهلـّي بـك

وانـذر لك اذا تعبت ضلوع الصـدر ... امد حبال ...شرياني وأعدّي بــك

******

ناديت بأسمه وردّ بشوق "ياعيونه " ... ذابت عروقي ودارت دنيتي فيني

فدوه لعينه .. عيون اللي يحبونه ... وحده يساوي بهالدنيا .. نظر عيني

*****

لو لهذا الشوق صوت وصاح وينك !!... سالت عيون السما وهبـّت عواصف

ولو حصل له يوم تحضنـه بيديـنـك ... ذاب مثل الشمع احساس وعواطف

****

لا تظلم الليل .. كنه هو فتح جرحك!! ... مبطي جروحك بوسط القلب مفتوحة

مايجرح الليل .. او يقدر على فرحك ... هاذي القرادة سببها العشق وجروحه




احلام

صباح الخير يايمـّه عساكِ ... الحين بالجنـّة
مابين السدرة والكوثر سعيدة وخاطرك رايق

عسا رب السما راضي " يايمه " عنـّك وعنـّا
ويهوّنـها على منهو ... يعيش بغيبتك ضايـق

****

يسـعد صباحك كل مالاحت الشمس
................ أحلى صباح يمر وانت معايـا

ياعلّ هذا الصبح .. اجمل من الامس
................... واثنينا للعشق نصبح حكايا

****

يسعد صباح اللي بهالليل سهران ***ولـيلة سعيدة لكلّ نايـم ورايــق

النوم يجفـا كلّ عاشـق وولهـان *** االلي بسبب الفراق بالحيل ضايق

*****
جو الشمال الحين رايق فؤاده
...................... والغيم فيه يدندن بعذب الألحان
قرب يصير الليل سكر زياده
.................. وعـرعـر تغازل كلّ عاشق وسهران

*****

الليل يحلى في وجودك ... ولقيـاك
.................... وينك تجي وتشوف وش كثر شوقي

" ضمة غلا "مابين صدرك ويمنـاك
..................... يشهد علي الله ... تحيـي عروقـي

******

وينك... !! حبيبك له ليالي يحاتيك **** مشتاق .. وده لو يحسّ بـ حنانـك

بالعـون فجأة لو بـ بـابه يلاقيـك **** يمكن يبوس أخشاب بابه عشانـك











احلام

تدري صباحك غير صبح المخاليق
........................ رايق بنكهـة بـنّ اشقر يمانـي

الناس تغلي البن وسط الاباريق
........................ وبنّـك يفوح بجمر عوج المحاني

رشفة برشفة لين تروي المعاليق
...................... ويذوب شهد الوصل شعر وأغاني

ويزين معك الشعر واحلى الطواريق
....................."يسلم لسانك و ألف يسلم لساني "

احلام

تدري وش اللي فاقدة بعد فرقاك
....................... صوتـك على هالصبح لمـّا تغنّي

وضحكة شفاهك لو بتهمس انا اهواك
....................... وريحة يدينك يـوم فيها اتحضنّني

اشتاق صوتك ضحكتك همسة شفاك
........................ اشتاق صدّك لو بصـدّك تجـَنـّي

واللي خلق لي قلب ..كل همه رضاك
.......................قادر يجيبك لـو بلحظـة ... تمنّـي









احلام

http://im44.gulfup.com/lIRVi.png

http://im44.gulfup.com/0P9AM.png

http://im44.gulfup.com/5UIkq.png

http://im44.gulfup.com/yMGYA.png

http://im64.gulfup.com/0oUSs.jpg

قال :

رآحوآ بسرعه / كنهآ سرعة الريح
بس العرب من طيبهم / مَ نستهم

الآرض عجزت لآ تشيل الطحآطيح
تضآيقت من ثقلهم .. وادفنتهم !!

قلت :

راحوا ودرب البين مابه مصابيح
الله ينـّور عاالقبور الـ/ حوتهم

ليت القلوب اللي اتركوها مجاريح
راحت معاهم بالظلام احضنتهم



احلام