|
رد: وطن الحرف والحلم ... مرسى الأحلام http://im33.gulfup.com/m1No2.png ياداري لو شكيت البعد تبكي غربتي الجدران وشبابيكي من الحسرة امسحت عيني بستايرها على طول البطـا يادار ... مات بداخلي انسان وعاش بدنيـتي غيره غصـب عنـي .. يسايرهـا احلام |
رد: وطن الحرف والحلم ... مرسى الأحلام برد الشمال بحيل قاسي وأقسا من برد ديرتنا .. جفاك وظنونك علمني كيف الحين اعيش وانسا علمني كيف الشمس تشرق بدونك علمني لو هالليل عالناس امسا وشلون تغفا وانت خاين.... جفونك واللي خلق الجبال والريح وارسا حبك بقلبي ما خطر لي اخونك احلام |
رد: وطن الحرف والحلم ... مرسى الأحلام ايه كابر واعلن انك مايهمك.. لو رحل لبعيد عنك لاتأثَر .. بكره تنسا وتلقا غيره شخص اوفا..... قلب اطهر وتدري انه جرح مرّ وراح عابر **** وترف عيني واحس بخوف يكبربي وتقول امي اكيد انه خبر طيب يبي يجيني او انه غايب وراجع .. واصدقها وامد من الفرح للقاه ... يديني ****** اسكني بي مثل فرحي مثل احلامي وعيدي اسكني بي من وريدي ليا وريدي وان حصل يوم اختلفنا وطحتي من عيني غصب ماهو بايدي مد قلبي لك يميني ***** اسكني بي انا اوفا من خلق ربي عشانك انا اختك مااخونك لو زمانك صد لك وجهه وخانك ياصديقة لو تعبتي وشحت كفوف الحقيقة والوفا ضيّع طريقه لاتحاتي ... أزهميني ***** للحين آعدّ العمرْ واقول اي جايين هم واعدوني من زمن وللحين منتظره للحين آقول الصبر.. . باقي قليل سنين واللي اتتظر واشتاق لك .. يكمل معك عمره ****** على طاري الشتا والبرد وحشتونا .. . ومشتاقين بإيديكم .. تحضـْنونا .. إذا برد الشمال اشتد .. تدفونا ... احلام |
رد: وطن الحرف والحلم ... مرسى الأحلام مدوا يديكم وفا يكفي الزمن خوان .......................... يكفي نعيش الوجع والوقت مايرحم كنتوا حبايب لنا .. وبحسبة الاخوان ........................... لو مر فيكم حزن .. حنا اللي نتألم **** يمـّه صباح الخير .. راح بغيابك ............................. كم صبح راح ولابه الخير والنور! وجهك ، حنانك ، طيب ريحة ثيابك ........................... من فارقوا هالصبح ينعاد مكسور **** مريت دار الولف قصدي اشوف الحال ...................... وأسأل عن اللي رحل من عام ماشفته اثري خطير الهوا ولاهو طويل البال ........................... ابغا اسلّم نسيت ... وقمت عانقته **** اما نعيش العمر عاشق ومعشوق .............................. والا بلاش من اللعب بالمشاعر مايذبح العشاق اكثر من الشوق .............................. اليا سكن بالقلب ... خلّاه شاعر ****** ودي انام ومثل باقي المخاليق ............................. أحضن لحافي فوق صدري وادفا لكن.. دروب النوم دايم مغاليق ............................. هيهات عين اللي عشق يوم تغفا ******* هو برد ذاك اللي احسه وأعانيـه !! ........................... او هو شعور الفقد داخل ضلوعـي والا الوجع خيـّم .. وبانت مواريـه ........................... في وسط قلبي لين هيّض دموعي **** آموووت يعني من الوله بعد فرقاك ......................... والا اضم الجرح ... وابكي لحالي ! قل لي فديتك موعدي كيف تنساه ........................ قل لي لوحدي كيف اقضي الليالي ***** عسا ياطاري الفرقا يكون الموت ..............................نهاية و.. حلّ لأوجاعك ولا تلقاه عشان تحسّ بالعشاق كيف تموت .............................. وتعرف معنى المواصل وتتمناه احلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام مسكين ياللي تغرف الهم وتكيل ................ من ماي عينك سيل حزن وصبابه يرميك حلمك بين حسـرة وتأجيـل ................ تمطر عيونك دمع مثل ..السحابـه سهران تشكي ضيقتك تالي الليـل ................ وتجر صوت الشوق .. شعر وعتابه واجد سهارى ... همـّهم بيـّد الحيل ............... أهل الهوا ياخــوك ... مثلك غلابـه احلام |
رد: وطن الحرف والحلم ... مرسى الأحلام http://im48.gulfup.com/PeQHS.png صباح الخير ياجاره متى للوادي تحنين !! متى بأحبابك تمرين !! تهنـّي القلب بزيارة ونعزف لك بصوت الناي وتغنين" بعدك على بالي" ولو طال الفراق سنين متى نكتب على الجدران "حنا ياهوا راجعين" لارض العشق واسراره لطفولتنا وبيوت الطين والحارة .. مااشتقتي لذاك البيت ولا قلتي وش اخباره صباح الخير ياجارة حنا ننتظر للحين متى لبلادك تعودين !! |
رد: وطن الحرف والحلم ... مرسى الأحلام وش عاد لو رحتوا كثيرين راحوا ....................... ياما .... وياما فارقونا حبايب !!! منهم مع الاموات مبطي استراحوا ....................... ومنهم مع الاحياء ناسي و غايب ------- ياحيف بزحمة الدنيا نسينا نعيش ...................... نسينا العمر لو عدّا فلا يرجع !! تمر سنينا وتمضي بـ كيف وليش .................... عبث محدن يجاوبنا ... ولا يسمع!! ---------- "مسا تشرين" جاي وفي جيوبه برد ........................يسوق الغيم والرحمة لسما بلادي مساه اللي يجمّعنا .. بليالي الوعد ....................... يجي مثل المطر دايم نقي وهادي ------------ كل الحكاية دق قلبي ،، وحبيت ....................... واشتقت لين الصدر ضاق بضلوعي بالله لو في يوم .. بالحلم مريت .......................... قرّب وكفكف في يدينك دموعي --------- ورا عوج الضلوع اللي بها دارك ..........................أحس بفقد يكبر بي ..يوجّعني بكل ليلة انا ،، والشوق زراوك ............................ ولكن "خيبتي" دايم ترجـّعني ---------- انا من اول سنيني لقيت الهم ساكن بي .................. يماشيني أخو دنيا .. ولاقصّر معي او خان اقول ارجوك لو ترحل عجز يتحملك قلبي ................... يردّ بحزن لاتقسي .. ترانا حسبة الاخوان --------- صدقيني نظرة الانسان تغني عن كلامه .......................والمعاتب مايفيدك لو بغـا الصدّ ونواه احبسي دمعك بعينك لملمي باقي الكرامه ...................من يبي الفرقا وبكيفه صدّ .. خليه بهواه -------- شفنا كبـرنا وشاب فينا املنـا **** وضاقت صدور الامنيات الكثيـرة سنوا سكاكين الخيانة لــ جملنا ****من يوم طاح ولا استمرّ بمسيره احلام |
| الساعة الآن 09:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011