|
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام نادي المنادي بصوت الحزن والخيبة .................................... هذا قطار الرحيل اللي حجزتوا به الدرب هم ووجع والسكّـة تغريبـه .................................. والعمر شنطة سفر والوجهة مكتوبـه هذا مفارق وطـن وأحلامه بجيبـه ..........................................يحلم يلاقي وطن يقبله بعيوبـه وهذا يشيل الوجع بالليل يسري بـه ...................................... وهذا مفارق اهل واحبـاب غدروبه ياقلب مرّ العمر وش عاد ترجي به ...................................... اسلك سبيل الصبر لو طالت دروبـه منهو جرحـْنا ورحل من يقدر يجيبه ...........................................لاحلّل الله غيابه او محـا ذنوبـه هذا قطار العمر صرّت دواليبـه ........................................غادر رصيف اللقا واحباب مروا بـه سبحان من سخَّره والريح تجري به ..................................... العمر سكـّة سفر والخطـوة محسوبـه احـ مؤجلة ـلام |
رد: وطن الحرف والحلم ... مرسى الأحلام تمد الارض يديها لصـدر الغيم ولهانـه ....................................... بديع الجو في عرعر والنسمة شمالية عطاشى عروقنت ونحلم بغيم يجود هتانه .........................................اذا لاح بسما هالليل .. للامطار مارية ****** لو غبت عنا رغم انفك ومجبـور ............................... حنـّا على عهد الوفـا محترينـك وان غبت ناسي والا بابع ومغرور .............................. غيب بحريقة .. مانشدناك وينـك ***** ابسأل بس واتطمن عسا قلبك معك طيب ........................................ لقيت احباب بالغربه يعوضونك عن احبابك لقيت ببعدي الراحة وشخصٍ مثلي حبيـّب .......................................... ينسيك الوجع والهم مايبكي من غيابـك ابسأل كيفها الدنيا عسا فرحك بها قريـّب ............................................. تباشير السعد دايم تجي وتدق ابوابك وبدعيلك اله الكون عن درب الشقا تجنّب ............................................... ولا قلبك تعنا يوم اوضيم الزمن نابك ****** أسألك باللـه لو طـاااال الغيـاب ........................................من يلـمّ جروح احبابـك هناا !!!! لـو فتحت لحلم وصلك اي بـاااب ............................................كلّ بـاب بمدخلـه هـمّ وعـنـااا مابقـا بالروح للفرحة حسـاااب ...............................................نمش ي بطوع الزمـن " الله لنا ****** ما فـاز غير مكبرين الوسايد ......................... ناموا وخلوا للخلايق عناها مافكروا بالشوق ناقص وزايد ....................... ولاهمهم الايام واللي وراها وعندي السهر بالليل اصبح عوايد .................. والعين شح النوم فيها وجفاها ياللي سهرت الليل والشوق كايد .......................ارحم عيونك لايتزايد عماها ***** ادري كبرت سنين من يوم غابوا .................................ومرايتي من امس فيها .. تجاعيد مدري سواد الشعر والليل شابوا .................................. والا المراية .. خرفت جابت العيد **** افكر فيـك .. اي والله افكر فيـك ..................................... وش اللي يشغل التفكير غير " أنتـا " تقول اجيك ما . .توفي ..لمن اشكيك ! .......................................حبيبك عالوعد ناطر تجـي .. إيمـتـا ؟ ****** من ليلة امبارح كان الوله يركم .........................................داخل سما روحي غيمات مطارة لو حرك الذكرى طاري حكا عنكم ....................................... طاحت من عيوني كم غيمة منهارة ***** لي الله من بعد عينك تعبني شوقي وحزني .......................................... دموعي مانشفت ليلة ولا نفعت مناديلي بكيت كثير وادري الدمع ماينفع ولا يغني ........................................ عن اللي لجلهم ابكي مساي وصبحي وليلي احـ مؤجلة ـلام |
رد: وطن الحرف والحلم ... مرسى الأحلام |
رد: وطن الحرف والحلم ... مرسى الأحلام بيتين ..لي ورد عليه الشساعر الصديق متعب المنيعي .. صح لسانه. قلت : تقول انك تبي ترجع ومر العمر متى موعد رجوعك وآنا انتظره وقفت بباب اوطان الوله والصبر الين الصبر ملّ بحيل من صبره قال : رجعت وكان طعم الانتظار المر على بابك طرقت وجاوبت نبره توكل روح لاترجع خلاص الجمر كلى الموعد ولاباقي سوى العبره" قلت : رحلت وكن حلمي بك ابد مامر رجعت بخيبتي واحلام منكسره ولا باقي سوا ذكرى وحنين وشعر اعيشه والأمل يمكن تجي بكرة !! احـ مؤجلة ـلام |
رد: وطن الحرف والحلم ... مرسى الأحلام عدّي على درب العشق مشتاقة لوجـودك ..................................... عندي حكي في خاطري وأبغاك تسمعني . كل يوم اشعل شمعة الأحلام ووعودك ........................................ما قلت لك ليل الحلم ماعاد ينفعـني! ! **** ياليت لو كلمة اسف تقدر تخيط الجرح ................................يمدي جرح قلبي برى من كثرة اعذاري . خلك على صمتك .. أنا مليت كثر الشرح .................................قصيت جنحان الحكي واطلقت اشعاري . ***** ياخي عادي لو طلبت الروح ترخص .......................................لايردك لو تببيها الا ..... لسـانك وان خذيت الروح مني وش بـ ينقص ......................................هي خلقها الله في صدري {عشانك} ***** تعالوا مابقا فيني صبر ..يتحمل الفرقا ...................................... ولاعاد الصدر قادر يشيل يشيل احزانه لوحده . عيون القلب من رحتوا تهلّ وبالدمع غرقا ......................................... أخاوي الليل والهقـوة تجيب القلب وتـرده ***** وشلون لو هالشوق زارك بهالليل ................................... وانتا بديرة والحبايب بديرة ماينفع الجوال والا المراسيل .................................والشوق زايد والاماني كثيرة مالك جدا ماغير جر المواويل .................................. واحزان ترثع بالقصيد وتثيره **** حطوا على باب المواجع علامة ...................................... وقالوا هنا مسكنك اخطي بيمينك . قلت السلام وردّ مامن سلامة ......................................... مادمت ذقت العشق الله يعينك ***** موعد رجوعه مضا ياعيني ارتاحي .................................... كم لك وانتي على هالحال سهرانه بـ آلم شعري وحلم القلب وجراحي ................................... واحضن وسادة بسيل الدمع غرقانه ماعاد يا هالحزن غيري بشر صاحي ......................................... كلن لقاله وليف ينام بأحضانـه وانا أضمّ البرد والليل ووشاحي ........................................وآهيم خلف الأمل وآدق بيبانـه **** من اولها فقدتك قبل ماألقاك .............................. يااغلى الناس ماابخل مواصيلك تعبت غياب لك أشتاق واتحراك ............................... ولاجيت بحلـمْ او جت مراسيلك ***** تعاهدنا اناوالليل نتخاوى مدى الأيام ...........................ومن خان العهد منا عسا أيامه تخونه وعدني مايجي إلا وجيبه منترس أحلام ......................وعدته أكتب أشعار الغزل ولشوق لعيونه ***** يمسي علينا المسا وإحْنا مثل مااحْنا .................................برده يزيد الوجع ... والهم متكاثـر ذكرى تعدي بنا .. وذكرى تمرجحنا ............................... .. وطيوف تعبر بنـا وتضيق الخاطـر ***** يالايمين القلب بالهون بالهون .................................... قلبي ضعيف ومايتحمل ملامه مرت ثمان سنين والقلب مطعون .....................................وجرحه تزايد لين وصّل عظامه ****** اليوم ذكرى عيد مولد جروحي .................................. تمّت ثمان سنين الفين مبرووووك اشعلت شمعي والقصايد وبوحي .....................................وارسلتهم لعتاب بابك يهنّـووووك **** ألتجي لك ياإلهي قلب متعبته ذنوبه ..................................... ينحني لك لين ترضا عرق عرق وضلع ضلع جيت بابك لاترده جيت ذنب وجيت توبة .....................................خطوة امشيها بخوف وخطوة امشيها بدمع ***** اللي خلق لك قلب قادر يخليه ................................... كله حنان واهتمام ومشاعر نظرة تجيبه مثل ماهي توديه ................................ونظرة تجيب اقصاه ويصير شاعر احـ مؤجلة ـلام |
رد: وطن الحرف والحلم ... مرسى الأحلام http://im76.gulfup.com/XMTGYU.png بليل الشتا .. مابيننا اي اختلاف انتَ يضمك صدرها وانا يضمْ صدري لحاف ماعلى قلبك عتاب ولا على قلبي خلاف احـ مؤجلة ـلام |
رد: وطن الحرف والحلم ... مرسى الأحلام فرشت لك صدري غلا يامدور الراحة .......................... واخترت ... تتغلا علي وقلبك تمنـّه ماتدري ذنوب البشر اولها { تفاحة } ............................يغريك شيطانك بها .. وتفارق الجنة ***** جيت ابيك بسالفة ..بس مالقيتك ...........................وين اروح ان غبت اكثر ... وين اروح . كم ندهت .. ورد صوتي باب بيتك ..............................كلهم راحوا .. متى ناوي ترووووح . ***** قالوا بكيت من الوله يوم غبنا !! ............................. وقالـوا سألت النـاس عنـّا ودورت الحين جاي الحين .. الحين شبنا .............................. وينـك من اول ماسـألت وتذكرت **** لو جف نبع الحنان بصدرك وكانت ............................... كف المواصل عن المدّات مبتوره ماجف فيني أمل لقياك او هانت ............................... ذيك الليالي عسا ذكراها ممطوره ***** تبغا الصراحة .. همومي كفت ووفـّت ................................ ماني بـ ناقص فـراق يزوّد همـومي كل المشـاعر جفاها غيمك .. وجفـّت .............................. حسبي عليه الهجر طال وسرق نومي **** وتقول عادي سحابة صيف وتعدي .................................. يابـُعد صيفك علينا .. والشتا تـوه تسري السحابة .. بعيد وعيت تهدي ............................... لا شفت صيفك .. ولا قلبي صفا جوّه ****** ويقـول لبـّـا .. وانا كلـّي فـدا لبـّـا ................................ تاخذ خفوقي ومن سجن الضلوع يطير يحتـااااار وردي على أيْ خـدّ يتخبـا !! ...................................ياقلبي افرح .. وكل لبـا وانت بخيـر **** جابني كثر الحنين وجيت سـاري ...................................... افتح ابواب الضلوع وقول اهـلا غربتي طالت وانا مشتـاقة داري .......................................بين ضلعينك .. حياه وعمـر احلا ***** كلن يغني على" ليلاه " باشعاره ............................... يابلشـة الشـعر من ليلي وعمـايلـها لو طاب نومه وغطا الجرح بـ وزاره ............................. تشعـل حروفـه جمـر لحظة ..تمايـلـها احـ مؤجلة ـلام |
| الساعة الآن 11:42 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
ظ„ظٹظ†ظƒط§طھ -
ط¯ط¹ظ… : SEO by vBSEO 3.5.1 Trans by
Coordination Forum √ 1.0 By:
мộнαηηαď © 2011