ما شاقني تلفاز لوجاب ما جاب

يا صاحبي جرّيت لي صوت الاصحاب=ليمن نرف قلبي حروفٍ عظيمه
لو كل مخلوق ٍ هوى دون الاتعاب=درب الهوى مابه شديد العزيمه
سبحانه المعبود سيّر للأشناب=سبحان كشاف الخفي و عليمه
دار الهوى في عرف وافين الالباب=وحكم ضميرك للعقول الفهيمه
من تاه في بحر الغرامي ولا تاب=غض النظر عن ويش نفسه تزيمه
حال الهوى ماجور من طاح منصاب=تلعب به الأمواج بالقلب ريمه
لا ما يطاوعني مشاريه واعتاب=قلبي عشق خلي وخلي كريمه
ما شاقني تلفاز لوجاب ما جاب=والله يكافينا شقاه ونعيمه
واللي خلقني زولهن ذوق ماطاب=والفرق خلي في هواها رحيمه
وقت الدلع اقفل على حالي الباب=واطفي من المعسول حمرة جحيمه
لو اوصفه قالو لي الناس كذاب=والستر في بعض المواقف حشيمه
خلي سكن قلبي حوى الف جذاب=ولا كل من شافت عيوني نديمه
ترى المشاعر بعض الاحيان تغتاب=لكن حروف الوجد تاتي حكيمه
حنا بشر عشاق والحب غلاب=يقوى على الروح وقضانا سليمه
ياصاحبي لا تاخذك بنت خشاب=تركض وراها وما وراها غنيمه
يولع خفوقك والرجا مال واحساب=تكثر ديونك والعواقب وخيمه
وادري كلامي فيه تفوير الاعصاب=لكن عشمنا ما نزيد الاليمه
ناخذ ونعطي والرجا فيه ما خاب=والله يعين المشتقي من حليمه

أخوي الشاعر سامي أحمد الدحيلان

اسعد الله جميع اوقاتك بالخير و المسرات
نص جميل و جزل كلماته تنساب كالحرير اذا داعبته النسمات
بارك الله فيك
شكرا على هذا الفكر
دمت بكل الود و الاحترام