شبكة الشموخ الأدبية - مجاراة (محمد الروقي

شبكة الشموخ الأدبية (http://www.alshmo5.com/vb/index.php)

- منتدى الشعر الشعبي (http://www.alshmo5.com/vb/f7.html)

- - مجاراة (محمد الروقي - سامي احمد) (http://www.alshmo5.com/vb/t40889.html)

مجاراة (محمد الروقي - سامي احمد)

السلام عليكم ورحمة الله وبركاته

مجاراة بيني وبين الشاعر محمد الروقي
اتمنى تعجبكم

محمد الروقي

ياسامي احمد كل ماقلت أقربت راحت بعيد=وشلون ابا اجذب حبلها والجم ينسف دونها
هذي سنه ماجد في خافي علومي من جديد=اخفي ملامحها عن العدوان لا يلقونها
ود{ن} بقلبي ينتعش لا شفت صورتها ويزيد=االفاتنه حي العيون الي بلت مفتونها
مدري ليا مت وسبب صاحبك هي يصبح شهيد؟=ولا تمل ارض تشيل الناس من مدفونها
لا جر صوته من حشاش الصدر بحروف القصيد=قصيدة من قلب شاعرها على مزيونها
تكفا طلبتك قلها تقرا حساب اكبر رصيد =بليار مع مليار مع مليون لجل عيونها
مجنونها ماقال قول بالقصيد الا وكيد=ونكان لا هذي ولا جبلي خبر وش لونها
ترا االقديم ايقول مافك الحديد الا الحديد=ونته لها كلمة طرب قرب وغن الحونها
يمكن تبرد خاطري وضحك بعدها وستفيد=في منتدانا ياجزل خل العرب يقرونها

سامي احمد الدحيلان

يامحمد الروقي ترى قد صرت لي رأس القصيد=هاك النصيحة وافية والسمن لك مدهونها
يا صاحبي بين الورى لاتحسبك هايم وحيد=مثلك ملايينٍ تحب ومحمله بغبونها
مسكين ياللي بالهوى حارت شجونه من عنيد=وأهل الهوى من بينهم سمي لها مجنونها
ياللي نهارك مر وهمومك من الغالي تزيد=ومن التغلي والغلا ليال ما تمسونها
حنا بمشاعرنا بشر وزلزالنا حبٍ اكيد=وأيامنا به نشتقي لو كان نجهل لونها
واللي عرف ليل الشقا يحكم ظروفه من جديد=ومن التجارب والزمن يأخذ عبر ويصونها
يا صاحبي ما ينفعك ناصر ولا حتى سعيد=احرص على دبلة ذهب زيّن بها مظنونها
والا سواليف الهوى واشجانهم لو هي رصيد=يرخص بها العاشق فدا من شان سود عيونها
خلك على وضح النقا والمهتوي طبعه حديد=ومع باب خلٍ ترتجي أدخل وغن ألحونها
خلّ الأسامي والأسى مادام ذكره ما يفيد=لجل النصيحة تحتسب ويفيدنا مضمونها
وان كان ذكره يطربك فأرمز له بواحد فريد=وقصة غرامه خالدة وبارضاه دش سجونها