وهج الشعر .. و .. بوح المشاعر ؟

ترى السكوت أحيان يغني عن كلام= واسمك وحرفك بالحنايا نطبعه

لاشك ندرى اعداك وأرباب الملام= والسر بين إثنين ما احد ٍ يتبعه

يا ضامية من نور فكرك لنا أقباس = وحرف الغلا من شأن عينك رسمناه

لك موقع ٍ في داخل القلب حساس= وود ٍ مضى عامين مخفي ونكماه

يا ضامية والود مبني على ساس = ساس ٍ قوي ما زعزع الوقت مبناه

لك بالمحاني وجد خافي وحساس = وشعور صادق نكتمه ما كتبناه

ماكل من يخطي من الناس معذور=بعض الخطاياماتسد المعاذير

ما للدجى يا بنت قدرة على النور= ولا تنطوي بعض المسافات بالسير

جاوبت يا نور العذارا نداكم = وجيتك على المضمون والحرف وقياس

بان التميز والذكاء من عطاكم = ومن نور فكرك والعطا ناخذ أقباس

الله رفع يا شامخة مستواكم = وحنا بوجودك دايم ٍ نرفع الراس